१८ वर्षपछि मात्र कुलेखानी–फाखेल–हुमाने–फर्पिङ–काठमाडौं सडकले रुट इजाजत पायो
![](https://blogger.googleusercontent.com/img/b/R29vZ2xl/AVvXsEg5dlyYlU1T_bmOcEtNb2uNhN3iMVlA91qDS_m1LzAFsPsiHPoKC7RNGgEJKZ0cqcBNDeiT6Aq3JKMGyaO7FIl4VBrOe2_eAlhnRdYftZShqYJsfbpaCto2ZGcfEVvU8MRKCLsvX4-92nA/s640/laali-640x427.jpg)
मकवानपुर । सडक स्थापना भएर सवारी साधन चल्न थालेको १८ वर्षपछि मात्र कुलेखानी–फाखेल–हुमाने–फर्पिङ–काठमाडौं सडकले रुट इजाजत पाएको छ ।
यातायात व्यवस्था विभागले इन्द्रशरोबर गाँउपालिकाको पहलपछि केही दिन अघि उक्त सडकलाई स्थायी रुट इजाजत दिएको हो ।
सडक सञ्चालनमा आएयता २०५७ सालदेखि टाटा सुमो,माइक्रो, मिनीबस तथा निजी कारहरु लामो समयदेखि चल्दै आएको थियो । तर स्थानीयहरुले माग गर्दै आए पनि विभिन्न कारणले यातायात कार्यालयले रुट इजाजत भने दिएको थिएन । अब यो सडक भएर सञ्चालन हुने सम्पुर्ण सवारी साधनहरुले बाग्मती र नारायणी यातायात कार्यालयमा गइ तत्काल दर्ता गराएर मात्र सवारी साधन सञ्चालन गर्न वडा कार्यालयले अनुरोध गरेको छ ।
अहिले काठमाडौंबाट कुलेखानी भिमफेदी हुँदै हेटौंडा पुग्ने बाटोहरुमध्ये सो सडक दुरीको हिसावले सबैभन्दा छोटो हो ।
तत्कालिन प्रधानपञ्च मानबहादुर लामा र सानुकान्छा लामाको पहलमा जनताहरुलाई गहुँ र चामल दिएर खन्न सुरुवात गरिएको यो बाटो अहिले विभिन्न सवारी साधनहरुको आवागमनले चर्चामा रहेको छ ।
पञ्चायतकालमै स्थानीय विकासका अगुवा लामाद्धोयले जनस्तरबाट निर्माण सुरु गरेको यो बाटो २०४६ सालपछि तत्कालिन कार्यबाहक प्रधानमन्त्री तथा काँगेसका नेता वलबहादुर राईले शिलान्यास गरेका थिए ।
स्थानीय वीरबहादुर लामा जिल्ला विकास समितिको सभापति र सांसद भएपछि यो सडक विकास र विस्तारको लागि धेरै नै पहल गरेका थिए ।
जिल्ला विकास समिति, प्लान इन्टरनेशनल र जनस्तरबाट पहल तथा स्थानीय स्तरको बजेट प्रवाह गरी बाटोलाई यो रुपमा ल्याउन सफल भएको गाँउपालिकाका अध्यक्ष जीवन लामाले बताउनुभयो ।
पछिल्लो समय सिस्नेरीको बाटोमा अत्याधिक बजेट निकासा भएको र सोही कारण फाखेलको बाटो ओझेलमा पार्न प्रयत्न गरिएको स्थानीयहरु बताउँछन् ।
सिस्नेरीको बाटो बन्द हुँदा मात्र वैकल्पीक रुपमा प्रयोगमा ल्याइएको र केही व्यक्तिहरुले फाखेलको बाटोलाई रुट इजाजत नदिएर एकाधिकार लाद्ने प्रयत्न गरेपनि जिल्ला समन्वय समिति काठमाडौंका प्रमुख शिव वैद्य, मकवानपुरका प्रमुख रघुनाथ खुलाल लगायतको सकारात्मक प्रयासले मुर्त रुप पाएको बताइएको छ ।
अध्यक्ष जीवन लामा र वडाअध्यक्ष धनवीर स्याङ्तान तथा धनराज महर्जनले रुटको जिम्मा आफुहरु जनप्रतिनधीको हैसियतले लिने भन्दै अस्थायी रुट इजाजत दिन खोजिएकोमा त्यसको विरोध गर्दै स्थायी रुटको माग गर्दै आएका थिए ।
![](https://blogger.googleusercontent.com/img/b/R29vZ2xl/AVvXsEgz1aNHnbf-9Fy30Bgu7RkjtqPPxhvr3UdStAx0fNHiD-5Z3Gn8q1q-dqwrtGr6eHc7frcP9elKuQimQB3MfnlGB__whExRxQSPzPnLB35jPE_rJdSo9qPLKyEsGCnQ4Kgy3ND11toGo6U/s640/phakhel+bato.jpg)
![](https://blogger.googleusercontent.com/img/b/R29vZ2xl/AVvXsEiIu4TqNIrpbsQW2Bq0h-BUBgLqE1gJBSjZs_sGCXbRMp_RoIZDKvZ8U0hsztM6GCzjdqSOTzxmDuQsCGTN7sS02chiDMrJQdQC_1NTg-6TXNOohoaDmswF4Dq7OgMB4_rq_8sbRiW2JIQ/s640/indra+sarobar+bato.jpg)
0 comments
Write Down Your Responses