Powered by Blogger.
इन्द्रसरोबर ४ को शपथ ग्रहण तथा चियापान कार्यक्रम सम्पन्न

 नेपाल कम्युनिष्ट पार्र्टी (नेकपा) इन्द्रसरोबर ४ नम्बर वडा कमिटिको सदस्यहरुले शपथ ग्रहण गरेका छन् । आज इन्द्रसरोबर गाउँपालिकाको फाखेलमा आयोजित एक कार्यक्रमको बिच ४ नम्बर वडा कमिटिका २९ जना सदस्यहरुले नेपाल कम्युनिस्ट पार्टी (नेकपा) का स्थायी कमिटी सदस्य माक्र्सवादी दर्शनका दार्शनिक डा.बेदुराम भुसालले सामुहिक रुपमा सपथ गराएका हुन् ।

शपथ ग्रहण कार्यक्रममा वडा कमिटीका सदस्यहरुले जनताको जनमतलाई कदर गर्दै वडा कमिटीले नेकपा पार्र्टीलाई एकढिक्का बनाएर जनताको चाहाना अनुसार अघाडि बढ्ने र पार्र्टीको विधि, विधान अनुसार पार्र्र्टीलाई आगामी दिनहरुमा थप मजवुत बनाउने प्रतिवद्धता व्यक्त गरेका थिए ।

वडा कमिटिका अध्यक्ष लश्मी रुम्बाको सभाध्यक्षतामा भएको कार्यक्रममा नेपाल कम्युनिस्ट पार्टी (नेकपा) का स्थायी कमिटि सदस्य माक्र्सवादी दर्शनका दार्शनिक डा.बेदुराम भुसालको प्रमुख आथित्यता र नेकपाका नेता तथा संघीय संसद अन्तर्गत प्रत्यायोजित व्यवस्थापन तथा सरकारी आश्वासन समितिका सभापति रामनारायण बिडारीको विशिष्ट आथित्यतामा कार्यक्रम भएको हो ।

प्रमुख अथिति भुसालले पाटी र जनप्रतिनिधि मिलेर गाउँको विकास गर्नु आजको आवश्यकता रहेको बताउनु भयो । गाउँविकासमा पाटीको निर्देशनमा विकास गर्नका लागि सबैमा आग्रह गर्दै उहाँले समावेशी सहभागितामा जोड दिनु भयो । उहाँले सरकार विकास निर्माणमा अघि वढेको प्रसंग उल्लेख गर्दै जनताले परिणाम खोजेको र केन्द्र, प्रदेश र स्थानीय तहमा पार्र्टी हावी हुदाँ यहि बेला सबै मिलेर काम गर्नुपर्ने बताउनु भयो ।

विशिष्ट अथिति समेत रहेका नेकपाका नेता तथा संघीय संसद अन्तर्गत प्रत्यायोजित व्यवस्थापन तथा सरकारी आश्वासन समितिका सभापति रामनारायण बिडारीले सरकारले कामको जग हाल्दै गरेकोले तत्कालै कामको मुल्याङकन गर्नु नहुने बताउनु भएको छ । उहाँले विकासको जग पुरेर सके पछि सरकारको चित्तबुझ्दो काम प्रष्ट देखिने दावी समेत गर्नुभयो ।

कार्यक्रममा नेपाल पत्रकार महासंघ काठमाण्डौ शाखाका अध्यक्ष सन्तराम विडारी,लोकतान्त्रिक आदिवासी जनजाती महासंघका केन्द्रिय सचिव रामचन्द्र बल, इन्द्रसरोबर गाउँपालिकाका अध्यक्ष जिवन लामा लगायतको आथित्यता रहेको थियो ।

0 comments

Write Down Your Responses