थाहा नगपालिका वडा ३ का साहसिक, जुझारु र विकासप्रेमी वडाध्यक्ष हिरेन्द्रकुमार रायमाझीले  आफ्नो कार्यकक्षमा ग्रेटर नेपालको नक्सा राखेका हुन् ।

भारतले इतिहासमा कतै नभएको नेपालको रुपन्देही कपिलवस्तु राखेर नक्सा बनाउँदा नेपालमा कोही कसैले बोल्ने आँट नगरेकाले जनस्तरबाट सन्देश दिन आफूले यसो गरेको रायमाझिर्ले बताए । ‘यथार्थलाई झल्काउन खोजेको हुँ, यो हाम्रो पुरानो सांस्कृतिक नक्सा हो।’ उनले भने, ‘हाम्रो इतिहास बोकेको नक्सा हो, यस्तो गौरवपूर्ण इतिहास नयाँ पिँढीलाई जानकारी दिन पनि आवश्यक हुन्छ भनेर मेरो सोच आयोे’, रायमाझीले भने ।

साथै, खेति किसानीको बाहुल्यता रहेको थाहानगरको पहिचान झल्काउने किसानहरुको फोटो पनि सँगै राखेका छन् भने थाहा अभियानका प्रणेता रुपचन्द्र विष्टको समेत तस्विर राखेको अध्यक्ष रायमाझीले बताए ।