एक औपचारिक कार्यक्रमबीच १८ खेलाडीलाई ट्रफी, पदक तथा प्रमाणपत्र प्रदान गरेको हो। प्रतियोगितामा देशभरबाट करिव एकसय खेलाडी सहभागी थिए । 

प्रतियोगिताका प्रमुख अतिथि पूर्वमन्त्री जगत गौचनले खेलकुदका माध्यमबाट मुलुकको प्रतिष्ठालाई अन्तर्राष्ट्रिय तहमा प्रवर्द्धन गर्न सकिने बताउँदै त्यसका लागि समर्पित खेलाडीहरूको सामाजिक सुरक्षामा जोड दिनुभयो।

काठमाडौँ महानगरपालिकाका पूर्व प्रमुख राजाराम श्रेष्ठले खेलकुद क्षेत्रबाट पनि राष्ट्र निर्माण तथा सामाजिक विकासमा योगदान गर्न सकिने भावनाको विकास गर्न खेलाडीलाई आवश्यक सेवा र सुविधा उपलब्ध गराउने दायित्व राज्यको भएको विचार व्यक्त गर्नुभयो। 

कार्यक्रम आयोजक समितिका प्रतिनिधि मिनबहादुर शाहीले उत्कृष्ट खेलाडीलाई हौसला प्रदान गर्नुभयो। राष्ट्रिय प्रजातन्त्र पार्टीका केन्द्रीय सदस्य कृष्णबहादुर राउत, नेपाली सेनाका सेवा निवृत्त कर्णेल प्रकाश कार्की, समाजसेवी महेश कुँवर, खेलाडी किशोर गुरुङ,राष्ट्रिय प्रजातान्त्रिक महिला संगठनका अध्यक्ष अन्जना शाह तथा सोही संगठनकी नेतृहरु शर्मिला शाह, राधा शाह, बसन्ती शाहीलगायतले प्रतियोगिताका सहभागीहरूले नेपाली खेलकुदको विकासका गरेको योगदानको सराहना गर्नुभयो।

 बिहिबार छनोट गरिएको टिमको क्याप्टेनमा रमेश लुँइटेल रहेका छन् । 

टिममा  रामनरेश गिरी, नितेश बज्राचार्य, सोहन कुमार दीपु, राजीव परियार र गौरव क्षेत्री छनोट भएका हुन् ।  

प्रतियोगितामा  ६ वटा टीम रहने आयोजकले जानकारी गराएको छ । प्रतियोगिता चैत ३ गते शनिबार ‘खांदै खेल्दै सामरी खोलाको तीर सुपारीटार’ बताइएको छ । 

चतरा हाईकिङ ग्रुपको आयोजनामा मंगलबार  नगरपालिकाको वार्ड १ स्थित सुनसरी मोरङ्ग सिचाईं आयोजनाको चतरा नहरमा उक्त प्रतियोगिता भएको हो ।

प्रतियोगितामा स्थानीय राहुल लिम्बू पहिलो, राजेन्द्र कार्की दोश्रो र संचारकर्मी लक्षमण कटुवाल तेस्रो भए । प्रथम राहुल लिम्बुले दोस्रो चरणको सेटमा क्रमशः २३+२२+१४=५९ अंक ल्याउन सफल भएका थिए। उनि स्थानीय वार्ड १ खहरेका विद्यार्थी हुन् । उनले एक पटकमा २३ पटक उफ्राई सवै भन्दा बढि हो। 

दोस्रो बनेका राजेन्द्र कार्कीले कुल ३० अंक ल्याए । तेस्रो बनेका लक्षमण कटुवालले २८ अंक प्राप्त गरेका थिए।

कार्यक्रम दुई चरणमा खेलाइएको थियो। सहभागीले पहिलो चरणमा एकवटा ढुङ्गाले पानीमा कम्तीमा तिन पटक उफार्न सकेकाले मात्र दोस्रो चरणको खेलमा सहभागी हुन पाउने ब्यवस्था थियो। दोस्रो चरणमा पुग्ने खेलाडीलाई तिन वटा ढुङ्गा उपलब्ध गराएको थियो। पानीमा तिन पटकको उक्त ढुङ्गाको जम्मा उफ्राई जोडेर बिजेता घोषणा गरिएको थियो। 

उनिहरुलाई प्रमुख अतिथी बराहक्षेत्र नगरपालिका, वार्ड १ अध्यक्ष किसन थापा, बिशिस्ट अतिथीहरु वार्ड २ अध्यक्ष होम प्रसाद गौतम, वार्ड ५ अध्यक्ष रोहित काफ्ले, मुख्य निर्णायक ज्ञान बहादुर पांडेले प्रथम, दोश्रो र तेस्रो पुरस्कार स्वरुप नगद ५ हजार, ३ हजार र २ हजार रुपैयाँ संगै प्रमाणपत्र र मेडल प्रदान गरिएको आयोजक हाईकिङ ग्रुपका सस्थापक तथा संयोजक भीषण राईले बताए ।

नेपालमा यस प्रकार सम्भवत पहिलो खेलले युवा सशक्तीकरण,मेलमिलाप र आपसी सदभाव बढाउने आयोजकले बताएको छ। यस बाहेक बृहत बराहक्षेत्रको पर्यटनमा यो खेलले थप टेवा पुग्ने संयोजक राईले बताए ।

प्रतियोगितामा चक्रघट्टी, कालाबन्जर लगायत स्थान वाट करिब ७५ जनाले भाग लिएका थिए ।

नेपालगन्ज स्वीमिङ क्लबले शनिवार नेपालगन्ज रंगशाला परिसरमा आयोजित पौडी प्रतियोगिताको ५० मिटरको खुल्ला पुरुष तर्फको बटरफ्लाईमा नेपालगन्जका अमित रावलले स्वर्ण, दाङका सुवेश पाण्डेले रजत र नेपाली सेनाका भुवन बोटेले काँस्य पदक प्राप्त गर्नुभयो । 

यस्तै ५० मिटरकै खुल्ला पुरुष फ्रिस्टाइलमा दांगका सुवास पाण्डेले स्वर्ण, नेपाली सेनाका भुवन बोटेले रजत र नेपालगन्जका अमित रावलले कास्य पदक प्राप्त गर्नुभयो । 

महिलाको ५० मिटर खुल्ला फ्रिस्टाइलमा सुप्रिया रावलले स्वर्ण, डा. महिमा शाहले रजत र जमुना डाँगीले कास्य पदक प्राप्त गर्नुभयो । सोही प्रकारले १५ वर्ष मुनिका बालिकाको ५० मिटर फ्रिस्टाइलमा जमुना डाँगीले स्वर्ण, संस्कृति अधिकारीले रजत र कश्बी गुरुंगले कास्य पदक जित्नुभयो । 

यस्तै १४ वर्षमुनिका बालकको ५० मिटर फ्रिस्टाइलमा अनमोल केसीले स्वर्ण, श्यामुल सुनारले रजत र उज्वल क्षेत्रीले कास्य पदक प्राप्त गर्नुभयो । सोही प्रकारले १२ वर्षमुनिका बालकको ५० मिटर फ्रिस्टाइलमा इभान्सु भट्टराईले स्वर्ण, प्रज्वल रानाले रजत र सिजन थापाले कास्य पदक प्राप्त गर्नुभयो । 

१२ वर्षमुनिका बालिकको ५० मिटर फ्रिस्टाइलमा सारिकाले स्वर्ण र आरोशी डिसीले रजत पदक प्राप्त गर्नुभयो । सोही प्रकारले १० वर्षमुनिका बालकको २५ मिटर फ्रिस्टाइलमा सुशान्त बोहोराले स्वर्ण, बसन्त थारुले रजत र मनन् शर्माले कास्य पदक जित्नुभयो । 

यस्तै १० वर्षमुनिका बालिकाको २५ मिटर फ्रिस्टाइलमा सम्बृद्धि न्यौपानेले स्वर्ण र प्रिसेस जिसिले रजत पदक जित्नु भयो । सोही प्रकारले ८ वर्षमुनिका बालकको २५ मिटर फ्रिस्टाइलमा संस्कार न्यौपानेले स्वर्ण, सुमित वाग्लेले रजत र रिजन बोहोराले कास्य पदक जित्नुभयो । 

पदक विजेता खेलाडीहरुलाई नेपाल पौडी संघका केन्द्रीय अध्यक्ष अशोक बज्राचार्य, लुम्बिनी प्रदेश खेलकुद परिषद्का सदस्य सचिव जय भट्टराई, राष्ट्रिय खेलकुद परिषद्का सदस्य दिपेन्द्र विष्ट, नेपालगन्ज उपमहानगरका नगर प्रमुख प्रशान्त विष्ट, नेपाली सेनाका बज्रदल गणका गणपति रविन श्रेष्ठ, बाँके प्रहरी प्रमुख सुवास चन्द्र बोहोरा, संस्कृतिविद् डा.राजकुमार सुवेदी, राखेप पूर्व सदस्य विनोद मैनाली, लुम्बिनी प्रदेश खेलकुद परिषद् सदस्य नरेन्द्र थापा, नेपालगन्ज–१८ का वडाध्यक्ष दीपक बोहोरा, शिक्षाविद् द्वय टेकबहादुर थापा, राकेश श्रीवास्तव, एन्फाका पूर्व केन्द्रीय सदस्य प्रदेशसिंह राठौर, मध्यपश्चिम क्षेत्रीय खेलकुद विकास समितिका प्रमुख महेश चन्द, नेपालगन्ज स्वीमिङ क्लबका अध्यक्ष केशवराज न्यौपाने, सल्लाहकारहरु किसन गुरुङ र सञ्जय थापालगायतले मेडल र प्रमाणपत्र वितरण गरेका थिए ।

 ८ वर्षदेखि १५ वर्ष उमेर समूह र खुला गरी २५ मिटर र ५० मिटरका फ्रिस्टाइल र बटरफ्लाइ विधाका ९ वटा प्रतियोगितामा बाँके, बर्दिया, दाङ, रुपन्देही, गुल्मी र नवलपरासीका ५२ जना खेलाडीले स्पर्धा गरेका थिए । मेडल जित्ने अधिकांश बाँकेका छन् । 

त्यसैगरी नेपालगन्ज स्वीमिङ क्लबले खेल क्षेत्रमा योगदान दिने तीन जनालाई सम्मान गरेको छ । क्लबले ट्रायथलनका अफिसियल चाहाना शाह, पौडीका अफिसियल विष्णु खड्का र पौडी प्रशिक्षक दीपक परियारलाई सम्मान गरेको हो । 

उक्त कार्यक्रममा नेपालका लागि भारतीय राजदूत श्री नवीन श्रीवास्तवले सरिन स्र्पोट्सबाट खरिद गरिएका २० वटा क्रिकेट ब्याट सहितका व्यावसायिक क्रिकेट सामाग्री नेपाल क्रिकेट संघका अध्यक्ष श्री चतुर बहादुर चन्द र संघका सचिव श्री पारस खड्काको उपस्थितिमा नेपाली क्रिकेट टोलीका कप्तान रोहित पौडेललाई हस्तान्तरण गर्नुभयो । 

ती सामाग्री बी.पी कोइराला भारत–नेपाल फाउन्डेशन र भारत सरकारको स्वामीत्व रहेको सतलज जलविद्युत निगम (एसजेभीएन) का तर्फबाट भारतीय दूतावासले प्रदान गरेको हो । नेपाली क्रिकेट टोलीले पनि भारतीय राजदूत श्रीवास्तवलाई टोलीले हस्ताक्षर गरेको जर्सी उपहारस्वरुप प्रदान गर्याे।

राजदूत श्रीवास्तवले हालै सम्पन्न एसिया कप र एसियाली खेलकुदमा नेपाली क्रिकेट टोलीको बेजोड प्रदर्शनको प्रशंसा गर्नुभयो । वहाँले क्रिकेट सामाग्रीको हस्तान्तरणले भारत र नेपालबीचको जनता–जनताबीचको सम्बन्धमा नयाँ आयाम थप्ने बताउनुभयो । वहाँले आगामी त्रिदेशीय टी–२० कप फाइनल र यसै महिनाको अन्त्यबाट सुरु हुने आइसीसी टी–२० विश्वकप छनोटका लागि क्रिकेट टोलीलाई शुभकामना दिनुभयो ।

नेपाल क्रिकेट संघका अध्यक्ष श्री चतुर बहादुर चन्द , संघका सचिव श्री पारस खड्का र नेपाली क्रिकेट टोलीका प्रशिक्षक श्री मोन्टी देसाईले भारतीय दूतावास, बी.पी कोइराला भारत–नेपाल फाउन्डेशन र एसजेभीएनलाई धन्यवाद व्यक्त गर्नुभयो । वहाँहरुले क्रिकेट सामाग्रीको हस्तान्तरणसँगै भारतीय दूतावास र नेपाल क्रिकेट संघबीच सहकार्य यात्राको सुरुवात भएको बताउनुभयो   ।

भारतीय दूतावास, काठमाडौंले यसअघि सन् २०१३ मा नेपाल क्रिकेट संघलाई  बस उपलब्ध गराउनुका साथै  बी.पी कोइराला भारत–नेपाल फाउन्डेशनमार्फत नेपाल बहिरा क्रिकेट टोलीलाई सन् २०२३ को अप्रिलदेखि मेसम्म कोलकातामा भएको त्रिदेशीय क्रिकेट टुर्नामेन्टमा सहभागी हुन सहयोग गरेको थियो ।

गत साउन ८ देखि १० गते सम्म भएको अखिल कपको विजेतालाई एक विशेष शुभकामना आदन प्रदान कार्यक्रम गरि पुरस्कृत गरिएको हो । 

साउन १० गते भएको फाइनल खेलमा त्रिचन्द्र क्याम्पसलाई हराउँदै शंकरदेव क्याम्पसले उपाधी हात पारेको थियो ।

विजेता शंकरदेव क्याम्पसलाई एक लाख ११ हजार एक सय ११ रुपैयाँ नगदसहित शिल्ड मेडल र प्रमाणपत्र प्रदान गरिएको थियो भने उपविजेता त्रिचन्द्र क्याम्पसलाई ५५ हजार ५ सय ५५ रुपैयाँसहित सिल्ड मेडल र प्रमाण पत्र प्रदान गरिएको थियो ।

त्यस्तै विविध विधामा उत्कृष्ट खेलाडीहरुलाई पनि पुरस्कार तथा वेस्ट प्लेयर अवार्ड दिइएको थियो ।

पुरस्कार अनेरास्ववियु आरआर क्याम्पस कमिटी अध्यक्ष लोकेश खड्काले प्रदान गर्नुभएको थियो । खड्काका अनुसार आरआर अनेरास्ववियुले आगामी दिनहरुमा पनि यस्ता रचनात्मक कार्यक्रम विस्तार गर्ने योजना बनाएको छ । 

अनेरास्ववियु आरआर क्याम्पस कमिटी अध्यक्ष लोकेश खड्काको अध्यक्षतामा भएको कार्यक्रममा प्रमुख अतिथिको रुपमा समिक बडाल, विशेष अथितिको रुपमा नेकपा एमालेका सचेतक महेश बर्तौला, क्याम्पस प्रमुख जीवनधर ज्ञवाली, अनेरास्ववियुका अन्य नेताहरु लगायतको उपस्थिति रहेको थियो ।

 उपस्थित अथितिहरुलाई मायाको चिनो समेत प्रदान गरिएको थियो । मायाको चिनो खड्काले प्रदान गर्नुभएको थियो ।

विगत डेढ बर्ष अघिदेखि सञ्चालनमा रहेको क्योकुसिन काइकान कराँते खेलको शनिवार प्रदर्शनी समेत गरिएको हो ।  यस नगरको पुर्वी भूभागमा करिब ४ सय बिद्यार्थीहरूले प्रशिक्षण लिइरहेको र यसलाइ अझ विशेष महत्वकासाथ हेर्दै यहाँका खेलाडीहरूलाइ राष्ट्रिय तथा अन्तराष्ट्रिय क्षेत्रमा  परिचित गराउने उदेश्य रहेको खेलका प्रमुख प्रशिक्षक रघु के.सीले बताउनु भयो । 

यस खेलले बिद्यार्थी वर्गमा निरोगीपन आउने, बिद्यार्थीमा काम गर्न र पढ्न सक्ने क्षमताको वृद्धि हुने साथै आगामी दिनमा वडा तथा नगर र देशकै नाम अगाडि बढाउन सक्ने भएकाले खेललाइ बिद्यालय, सार्बजनिक चौर तथा निजी स्तरमा समेत यसको प्रबर्द्धन गरिएको वडा अध्यक्ष जनक खत्रीले बताउनुभयो । 

साथै यस वडामा हरेक शनिबार हुने खुल्ला खेलकुद कार्यक्रमका क्रममा बिगतमा भएको प्रतियोगितामा विभिन्न बिधामा प्रथम, द्वितीय र तृतीय हुनेलाई पुरस्कार समेत बितरण गर्नुभयो । कार्यक्रममा पाल्नुभएका मात्सुइमा क्योकुसिन करातेका नेपाल तर्फका ब्रान्च चिफ राजु गुरूगले खेलबारे बिस्तारमा चर्चा गर्दै प्रशिक्षण समेत दिनुभयो । 

यसै क्रममा नेपाल मुवाथाई कराँतेका बरिष्ठ उपाध्यक्ष उमेश कुमार खड्का र बागामती प्रदेश खेलकुदबाट सर्मिला श्रेष्ठको समेत उपस्थिती रहेको थियो। कार्यक्रमका सभापति संजीब पुरी  समापनका क्रममा भन्नू ‘यस्तो कार्यक्रम हाम्रो बिद्यालयले गर्न पाउँदा निकै खुसि भएका छौं । ’ 

बुधबार अनेरास्ववियु आरआर कमिटीले पत्रकार सम्मेलनमार्फत् असार १८ गतेदेखि २२ गतेसम्म अन्तर क्याम्पसस्तरीय खुला भलिबल प्रतियोगिता गर्ने जानकारी दिएको हो । 

आरआर क्याम्पसमा पछिल्लो समय भएका विभिन्न घटनाक्रमले विद्यार्थीको छविप्रति नकारात्मक सन्देशमात्र जाने भएकाले सकारात्मक सन्देश दिएका लागि खुला पुरुष भलिबल प्रतियोगिताको आयोजना गरेको अनेरास्ववियु आरआर कमिटीका अध्यक्ष लोकेश खड्काले जानकारी दिए ।

खड्काले भने, ‘विभिन्न विद्यार्थी संगठनका कारण आरआरमा स्ववियु निर्वाचनसमेत हुन सकेन । अनेरास्ववियु सधैं विद्यार्थीहरुकाबीचमा रहँदै उनीहरूका साझा मुद्दामा केन्द्रित छ । स्ववियु नभए पनि अनेरास्ववियुले स्ववियुको कमी हुन नदिन खुला भलिबल प्रतियोगिताको आयोजना गरेको हो।’

उनले विद्यार्थीहरूलाई शैक्षिक रूपमा मात्रै नभई खेलकुदमा पनि सहभागिता गराउन आवश्यक भएकाले उक्त प्रतियोगिता गर्न लागिएको बताए। 

अध्यक्ष खड्काले प्रतियोगितामा प्रथम हुने टिमलाई एक लाख रुपैंया , द्वितीयलाई ५० हजार र तेस्रो हुनेलाई २५ हजार नगद पुरस्कारका साथै शिल्ड र प्रमाणपत्र उपलब्ध गराइने जानकारी दिए । 

अनेरास्ववियुले उपत्यकाका साथै देशभरीका सम्पूर्ण क्याम्पसहरूलाई खुला पुरुष भलिबल प्रतियोगितामा भाग लिन आह्वानसमेत गरेको छ ।

नेपाल सरकारले भलिबल प्रतियोगितालाई राष्ट्रिय खेलको मान्यता दिएको भए पनि यसको व्यावसायिकतामा चासो नदिएको अवस्थामा सो खेलको प्रवर्धनको लागि प्रतियोगिता गर्न लागेको अनेरास्ववियु क्याम्पस कमिटीले जनाएको छ । 

विश्वविद्यालय भित्र रहेका विद्यार्थी खेलाडीका बीचमा प्रतिस्पर्धा गराउन प्रतियोगिता आयोजना गरेको क्याम्पस कमिटीका अध्यक्ष लोकेश खड्काले विज्ञप्ति जारी गरी जानकारी दिए । 

प्रतियोगितामा भाग लिने टिमले १० हजार रुपैँया दर्ता शुल्क तिर्नुपर्ने छ । सहभागी समूहले आवश्यक सम्पूर्ण व्यवस्था आफै गर्नु पर्ने आयोजकले जनाएको छ । 

 प्रतियोगिताको उद्घाटन अनेरास्ववियुका केन्द्रीय अध्यक्ष समिक बडालले गर्ने कार्यक्रम रहेको छ । प्रतियोगिताको समापन असार २२ गते हुने छ ।

राष्ट्रिय खेलकुद परिषदका सदस्य सचिवस्तरीय निर्णयअनुसार १९ सदस्यीय समिति गठन गरिएको संघ संस्था समन्वय शाखाका प्रमुख चन्द्र कुमार राईले विज्ञप्तिमार्फत जानकारी गराएका छन् ।

परिषदले तदर्थ समितिले तीन महिनाभित्र विधान मस्यौदा तयार गरी परिषदको स्वीकृतिमा साधारण सभा तथा निर्वाचन गर्ने गरी गठन गरिएको जनाएको छ ।

प्रतिष्ठानले आइतबार प्रतियोगिताका बारेमा प्रधानमन्त्री पुष्पकमल दाहाललाई जानकारी गराएको छ । प्रतियोगिताका सहसंयोजक रवीन्द्र श्रेष्ठले प्रज्ञा स्मृति प्रतिष्ठानका संरक्षकसमेत रहेका प्रधानमन्त्री दाहाललाई प्रतियोगिताका बारेमा जानकारी गराएका हुन् ।

प्रतियोगितालाई चार स्पर्धामा विभाजन गरी ६५ किलोमिटर दूरीको साइक्लिङ म्याराथन आयोजना हुन लागेको हो । ‘एलिट म्यान एन्ड वुमन’ स्पर्धामा १९ वर्षदेखि ३९ वर्षसम्मका महिला तथा पुरुषले भाग लिन पाउनेछन् । यो समूहबाट पहिलो हुनेले ५० हजार, दोस्रो हुनेले ४० हजार र तेस्रो हुनेले ३० हजार नगद पुरस्कार पाउने छन् ।

 यसैगरी ‘मास्टर म्यान’ स्पर्धामा ४० वर्ष वा सोभन्दा माथिका पुरुषले प्रतियोगितामा सहभागिता जनाउन पाउनेछन् । यो समूहबाट पहिलो, दोस्रो र तेस्रो हुनेले क्रमशः ३० हजार, २५ हजार र १५ हजार नगद पुरस्कार पाउनेछन् ।

यसैगरी ‘जुनियर म्यान एन्ड वुमन’ अन्तर्गत १७ र १८ वर्षका युवायुवतीले भाग लिन पाउनेछन् । यो विधामा पहिलो, दोस्रो र तेस्रो हुने प्रतियोगीले क्रमशः १५ हजार, १२ हजार र १० हजार नगद पुरस्कार पाउने छन् । 

‘चितवन स्पेसल म्यान एन्ड वुमन’ विधाअन्तर्गत पहिलो, दोस्रो र तेस्रो हुने प्रतियोगीले क्रमशः ३० हजार, २० हजार र १५ हजार नगद पुरस्कार प्राप्त गर्नेछन् ।

पालुङ । थाहा नगरपालिकामा भएको ‘चौथो उपमेयर ब्याडमिन्टन कप प्रतियोगिता– २०७९’ को उपाधि बिसिङ्खेल ‘ए’ले जितेको छ ।

सामाजिक संस्था फरक सोचद्वारा आयोजित प्रतियोगिताको शनिवार भएको फाइनल खेलमा नरेन्द्र मोक्तान र देवकुमार अर्यालको थाहा–१० बिसिङ्खेल ‘ए’ टिमले ओम नम शिवायका डा. शक्ति चौरासिया र संग्राम खत्रीको टिमलाई सोझो सेटमा पराजित गरेको हो ।

१९ फागुनमा भएको सेमिफाइनल खेलमा थाहा–१० ले थाहा नगरपालिका ‘डी’ र ओम नम शिवायले ईलाका प्रहरी कार्यालय ‘ए’लाई पराजित गर्दै फाइनल यात्रा तय गरेको थियो । प्रतियोगिताअन्तर्गत् ईलाका प्रहरी कार्यालय ‘ए’ले थाहा नगरपालिका ‘डि’ टिमलाई पराजित गर्दै तेश्रो स्थान हासिल गरेको छ ।

प्रथम, द्वितीय र तृतीय हुने टिमहरुलाई नगद पुरस्कार क्रमशः २० हजार, १५ हजार र १० हजारसहित शिल्ड, मेडल र प्रमाणपत्र प्रदान गरिएको छ । प्रतियोगिताको उत्कृष्ट खेलाडी थाहा–१० का देव कुमार अर्याल हुन सफल भए । ‘उन्नत समाजको निर्माण गरौं,सहयोगी भावनाको विकास गरौ’ भन्ने मुल नाराका साथ ब्याडमिन्टन खेलाडी उत्पादन गर्ने उद्देश्यले फरक सोचले प्रतियोगिता आयोजना गरेको हो । खुल्ला मेन्स डबल प्रतियोगितामा १६ टिमको सहभागिता रहेको थियो ।

आयोजक फरक सोचका संयोजक यादव जंग रायमाझीको अध्यक्षतामा भएको समापन तथा पुरस्कार वितरण समारोहमा थाहा नगरपालिकाका उपप्रमुख भरत गोपालीको प्रमुख आतिथ्यता रहेको थियो ।

कार्यक्रममा थाहा नगरपालिकाको प्रमुख प्रशासकीय अधिकृत अजित घिमिरे, वडा नम्बर ३ का अध्यक्ष हिरेन्द्रकुमार रायमाझी, ४ का अध्यक्ष नारायण लामा, नेकपा एमाले नगर सचिव रामकृष्ण बस्नेत, माओवादी केन्द्रका नगर अध्यक्ष विनोदकुमार लामा, थाहा नगर खेलकुद विकास समिति सदस्य सचिव अनिल लामिछाने, पालुङ बहुउद्देश्यीय सहकारी संस्थाका उपाध्यक्ष अरुण रायमाझीलगायतको आतिथ्यता थियो ।

शिखर क्लब सहआयोजक रहेको प्रतियोगिताको थाहा नगरपालिकाको मुख्य प्रायोजन रहेको छ । प्रतियोगिताको प्रथम नगद पुरस्कार ओम अध्याय रिसोर्टले प्रायोजन गरेको छ । दोश्रो नगद पुरस्कार गोर्खा बु्रअरी र तेस्रो नगद पुरस्कार च्वाइस नेपालले प्रायोजन गरेको हो ।

प्रतियोगितालाई पालुङ बहुउद्देश्यीय सहकारी संस्था, महालक्ष्मी बिकास बैंक पालुङ शाखा, प्यासेफिक बचत तथा ऋण सहकारी संस्था, होटल टिस्टुङ कटेज बज्रबाराही, शिव एग्रो भेट थाहा–३ घर्तिखोलाको सहयोग रहेको छ । उक्त प्रतियोगिताको मिडीया पाटनरका रुपमा दामा पोष्ट साप्ताहिक, थाहा पाटी डटकम लगायत रहेका थिए । 

चित्लाङ । मकवानपुरको थाहा नगरपालिका वडा नम्बर ९ चित्लाङमा जिल्लास्तरीय भलिबल प्रतियोगिता हुने भएको छ ।

चित्लाङको स्वच्छन्द भैरव युवा क्लवको आयोजनामा यहि  २०७९ साल २७ पुसबाट प्रतियोगिता हुन लागेको हो । विगतका वर्षमा झै यस वर्ष पनि जिल्लास्तरीय भलिबल प्रतियोगिता गर्न लागेको क्लबका अध्यक्ष पुण्यमान बलामीले जानकारी दिए ।

भलिबल प्रतियोगिताको लागि टिम दर्ता यहि पौष २६ गतेसम्म गर्न स्वच्छन्द भैरब युवा क्लवका अध्यक्ष पुण्यमान बलामीले खेलाडी टिमलाई अनुरोध गरेका छन् ।

जिल्लास्तरीय भलिबल प्रतियोगिताका विजेताले नगद पुरस्कार सहित शिल्ड, मेडल र प्रमाण–पत्र प्राप्त गर्ने संस्थाका सचिव निर्मल विडारीले बताए ।

अध्यक्ष बलामीले यस प्रतियोगितालाई सफल बनाउन स्थानीयवासी, उद्योगी, व्यवसायीलगायत सबैसँगसाथ सहयोग गर्न आग्रह समेत गरेका छन् ।

पर्यटकीय स्थलको प्रचारप्रसार र प्रवद्र्धन गर्ने र खेलकै माध्यमबाट गाउँमा रहेका विकृति विसंगतीलाई हटाउँदै स्थानीय युवाहरुलाई सामाजिक क्षेत्रमा सक्रिय बनाउने लक्ष्य सहित प्रतियोगिता आयोजना गरिएको क्लबले जनाएको छ । चित्लाङमा वि.सं. २०५३ सालदेखि नै निरन्तर रुपमा भलिबल प्रतियोगिता संंचालन गर्दै आइरहेको छ ।

काठमाडौंको महाराजगञ्जमा शनिवार आयोजित कार्यक्रममा राष्ट्रिय तथा अन्तर्राष्ट्रिय खेलाडीहरु हरि खड्का, राकेश श्रेष्ठ, दीपक तामाङ, कमल तामाङ, सञ्जु महर्जन, अमर लामासहित सय जना भन्दा बढी खेलाडीहरुले काठमाडौं क्षेत्र नम्बर ५ का प्रतिनिधिसभाका उम्मेदवार ईश्वर पोखरेल, प्रदेश सभा ५ (१) का दीपक निरौला र ५ (२) का नारायण सिलवाललाई साथ दिने घोषणा गर्नुभएको हो ।

 खेलाडीहरुसँग ईश्वर पोखरेल नामक कार्यक्रममा खेलाडीहरुले एमालेको पालामा खेल क्षेत्रमा उल्लेख्य काम भएको भन्दै साथ दिने बताउनुभएको थियो । 

नेकपा एमालेका वरिष्ठ उपाध्यक्ष ईश्वर पोखरेलले एमालेसँधै खेलाडीहरुको साथमा रहेको बताउनुभयो । एमालेको पालामा एउटा पालिका, एउटा खेलकुद ग्रामको सुरुवात गरेको बताउँदै उहाँले काठमाडौं क्षेत्र नम्बर ५ को  टोखा र बुढानिलण्ठका कभर्ड हल निर्माण गरिएको जानकारी दिनुभयो । 

भूकम्पपछि क्षतिग्रस्त दशरथ रंगशालाको पुनर्निर्माणदेखि देशभरका खेलाडीको बिमा कार्यक्रम र दक्षिण एशियन खेलकुद प्रतियोगिता तथा ओलम्पिकका विजेता खेलाडीलाई मासिक भत्ताको व्यवस्था एमाले सरकारले गरेको उहाँले स्मरण गर्नुभयो ।  

एमालेको चुनावी अभियानमा साथ दिँदै नेपाली माइकल ज्याक्सनका नाममा चर्चित कलाकार रेमण्ड सापकोटाले पनि प्रस्तुति दिनुभएको थियो ।

नागरिक समाजको १६ औं वार्षिक उत्सव तथा नागरिक क्रिएसन प्रालिको संयुक्त आयोजनामा आयोजित विशेष नागरीक पुरस्कार २०७९ सम्मान कार्यक्रममा खेलाडी रामदास गोपाली ‘विशेष नागरिक पुरस्कार २०७९’बाट पुरस्कृत भएका हुन् । 

स्वास्थ्य तथा जनसंख्या मन्त्री भवानीप्रसाद खापुङको आतिथ्यतामा सामाजिक रूपान्तरणमा विशेष योगदान पुराउने व्यक्तित्व तथा राष्ट्रव्यापी प्रतियोगितामा सहभागी हुने प्रतियोगिताका विजेतालाई सो सम्मान तथा पुरस्कार प्रदान गरिएको हो ।

कार्यक्रममा सामाजिक रूपान्तरणमा प्रतिबद्धता सहित नवीनतम र अद्वितीय योगदान दिने वरिष्ठ छाती रोग विशेषज्ञ तथा नेपाल सरकारका पूर्वसचिव डा दीर्घसिंह बम, गुरु रिम्पोचे कोषका अध्यक्ष आनी भीमसुवा गुरुङ, वरिष्ठ परम्परागत आयुर्वेदिक चिकित्सक रामलाल वैद्य, गीतकार प्राज्ञ उन्नति बोहोरा ‘शीला’ युवा साहित्यकार भीष्मराज फुलारा, अभिनेत्री आशा भुषाल लगायतकालाई ‘विशेष नागरिक सम्मान–२०७९’ प्रदान गरिएको थियो ।

 ३० कार्तिकमा थाहा नगरपालिका–११ खुकुरी खेल मैदानमा भएको फाइनल खेलमा मकवानपुरकोे डाँडाबास युवा क्लबलाई ४–२ गोल अन्तरले पराजित गर्दै धादिङको बाइरोड युवा क्लबले उपाधि हात पारेको हो । 

प्रतियोगितामा थाहा नगरपालिका चल्तीको चन्द्रसूर्य युवा क्लब तेस्रो भयो । सेमीफाइनल खेलमा डाँडाबास युवा क्लब चन्द्रसूर्य युवा क्लबलाई ४–० र बाइरोड युवा क्लब राम्चे युवा क्लबलाई ४–३ गोल अन्तरले पराजित गरेर फाइनलमा पुगेका थिए । 

प्रतियोगिता २१ कात्तिकबाट शुरू भएको हो । प्रतियोगिताका थाहा नगर प्रमुख लवशेर विष्टले उद्घाटन गरेका थिए । 

समापनको दिन एक कार्यक्रमका बीच विजेताहरुलाई पुरस्कार तथा प्रमाणपत्र प्रदान गरिएको छ । प्रतियोगितामा विजेता बाइरोड युवा क्लबले रु. ४० हजार नगदसहित, मेडल र सिल्ड प्राप्त ग¥यो भने दोस्रो हुने डाँडाबास युवा क्लबले रु. २५ हजार नगद, मेडल र सिल्ड प्राप्त गरेको आयोजक सिर्जनशील टोल विकास संस्थाले जनाएको छ । त्यसैगरी तेस्रो हुने क्लबलाई नगद रु. १५ हजार प्रदान गरिएको छ । 

समापन कार्यक्रममा उत्कृष्ट खेलाडी बिवेक लामा, उत्कृष्ट गोल रक्षक महेन्द्र तामाङ, उत्कृष्ट डिफेण्डर दिपेश गोले र सर्वाधिक गोलकर्ता साइराम गिरीलाई उत्कृष्ट कप प्रदान गरिएको थियो ।

कार्यक्रममा थाहा–११ का वडा अध्यक्ष किरणमान बल, १२ का वडा अध्यक्ष मानबहादुर स्याङ्तान, १ का वडा अध्यक्ष हेरमान गोपाली, ५ का वडा अध्यक्ष बिष्णुबहादुर गुरुङ लगायतले शुभ दिपावलीको शुभकामनासहित मन्तव्य व्यक्त गरेका थिए ।