विपद् जोखिम न्यूनीकरण सम्वन्धी गोष्ठी सम्पन्न
मकवानपुर,२४ मंसिर । सरकारी निकायहरुको बार्षिक योजना तर्जुमा प्रक्रियामा विपद् जोखिम न्यूनीकरण तथा जलवायु परिवर्तन अनुकुलन मूलप्रवाहीकरण सम्बन्धी गोष्ठी हेटौँडामा सम्पन्न भएको छ ।
अमेरिकी सहयोग नियोग यूएसएआईडी, सवल कार्यक्रम मकवानपुरको आयोजना तथा जिल्ला बिकास समिति मकवानपुरले समन्वयमा कार्यक्रम भएको हो ।
२ दिने कार्यक्रममा मकवानपुरमा विपद् जोखिम, न्यूनीकरणका प्रयास, जलवायु परिवर्तन अनुकुलन सम्बन्धी कार्यक्रम, स्थानीय नीतिगत व्यबस्था र स्थानियले खेल्नुपर्ने भुमिका लगायतका विषयमा प्रशिक्षण दिईएको सबल कार्यक्रम विपद् जोखिम न्यूनिकरण तथा जलवायू परिवर्तन अनुकुलनका बरिष्ठ व्यबस्थापक मानबहादुर विकले बताउँनुभयो ।
कार्यक्रममा जिल्ला बिकास समिति मकवानपुरका सामाजिक बिकास अधिकृत रामकृष्ण थापा, योजना, अनुगमन तथा प्रशासकीय अधिकृत किसान न्यौपाने, सबल कार्यक्रम विपद् जोखिम न्यूनिकरण तथा जलवायु परिवर्तन अनुकुलनका बरिष्ठ व्यबस्थापक मानबहादुर विक, अधिकृत देवता रिजाल, महिला तथा बालबालिका कार्यालय मकवानपुरका प्रमुख शोभा शाहले सहजिकरण गर्नु भएको थियो ।
कार्यक्रममा मकवानपुर जिल्लाका गाबिस सचिवहरु, सरकारी कार्यालय र गैरसरकारी संघसंस्थाका प्रतिनिधी लगायतका २८ जनाकोे सहभागिता रहेको थियो ।
0 comments
Write Down Your Responses