पालुङका एमाले कार्यकर्तालाई माक्र्सवादी शिक्षा
![](https://blogger.googleusercontent.com/img/b/R29vZ2xl/AVvXsEg4yPIDh7489v8ShOwgxu9DNuzL-qI6dlM956fX_2uvxnS_7f8fS7emR_0Eujt8TcUBwuDckIAk-EPUs-k8Wpp09iZ1SNGJl4Y7d2aQk0zlg7QlOSl6jwacA9-N57gHfHM6yQjigjIyS9s/s640/thaha.jpg)
पालुङ, ५ पुस । नेकपा (एमाले)ले मकवानपुरको थाहा नगरमा आफ्ना कार्यकर्ताहरुलाई प्रशिक्षण दिएर टोल तथा वडाहरुमा खटाएको छ ।
संविधान कार्यान्वयनको लागि जनपरिचालन अभियान–२०७३ प्रभावकारी ढंगले सञ्चालन गर्ने क्रममा थाहापालिकाका कार्यकर्ताहरुलाई प्रशिक्षण दिइएको हो ।
आग्रा, दामन, पालुङ, बज्रवाराही, टिस्टुङ र चित्लाङका एमालेका सय बढी अगुवा कार्यकर्ताहरु प्रशिक्षणमा सहभागी थिए । थाहानगरको थानाबजारमा मंगलबार आयोजित कार्यक्रममा कार्यकर्ताहरुलाई पोलिटव्युरो सदस्य तथा स्कूल विभागका पूर्व प्रमुख बेदुराम भुषालले माक्र्सबाद र जनताको बहुदलीय जनबादबारे प्रशिक्षण दिएका थिए ।
कार्यक्रममा मकवानपुर २ का साँसद सुभाषचन्द्र ठकुरीले निर्वाचन क्षेत्र विकासका सन्दर्भमा भएका प्रयास र संचालित योजनाहरुको बारेमा प्रष्ट पारेका थिए ।
सोही अबसरमा नेकपा एमाले ३ नं. प्रदेश कमिटी सदस्य एवम् अभियान अनुगमन सदस्य रामेश्वर रानाले राष्ट्रिय एकताको झण्डा एमालेले मात्र बोकेको दावी गरेका थिए ।
एमाले मकवानपुरका सचिबालय सदस्य तथा जनपरिचालन अभियान थाहा नगरका संयोजक विष्णुप्रसाद ढकालको अध्यक्षतामा भएको कार्यकर्ता प्रशिक्षण कार्यक्रममा उपसंयोजक रामचन्द्र बलले प्रशिक्षणको औचित्यबारे प्रष्ट पारेका थिए । त्यस्तै एमाले थाहानगर अध्यक्ष अच्युतमप्रसाद ढकालले स्वागत मन्तव्य व्यक्त गरेका थिए ।
प्रशिक्षणपछि अब कार्यकर्ताहरु नयाँ प्रस्तावित संरचनाको थाहानगरमा जनपरिचालन अभियान लिएर टोलटोल पुग्ने संयोजक विष्णुप्रसाद ढकालले जानकारी दिए ।
![](https://blogger.googleusercontent.com/img/b/R29vZ2xl/AVvXsEgoR767Lcf4tE8ODmOtdhkU0uOR5wzAK_AsqXYkQWy3sx40YGiucP4hrVAuHuVun3jHtJhiZ2CClMDNerhteW64vHjiRyys8YEu3VV2y0QKgi5YSEHHw8jXqHSdZ4DEV9z38kERyaeyL2s/s640/r.jpg)
![](https://blogger.googleusercontent.com/img/b/R29vZ2xl/AVvXsEhGVlqqVe0Uj7MWbg-RsxuCVqSrMil3SUhlDhf3tsXVlM-PZHlqtFCVfYTK_4ZOlR1al-0FBK7iUgR5TKgMFtmNKrvU6Rz5BGYVKmyKBTCnkOFvQA4R40_S_5I-aXVWixGDRIaCAFl4-h4/s640/tj.jpg)
0 comments
Write Down Your Responses