अनुगमन थाले पछि हेटौडाका व्यावसायीको भागभाग
मकवानपुर, २ चैत्र / जिल्ला प्रशासन कार्यालय, क्षेत्रीय खाद्य तथा गुण नियन्त्रण कार्यालय र उपभोक्ता मञ्चको संयुक्त टोलीले आज विश्व उपभोत्ता दिवसको अवसर पारि हेटौंडा बजारका होटल,खाद्यान्न तथा लत्ताकपडा पसलको अनुगमन गरेको छ ।
अनुगमनका क्रममा म्याद सकिएका खाद्य पदार्थ, फोहोर लगायतका कमी कमजोरी भेटिएको थियो । अनुगमनको क्रममा होटेलमा देखिएका भान्सा घरलाई एक पटकका लागि सफा गर्न सचेत गराएको छ । हेटौंडा बजारमा रहेका होटल, थकाली किचेन, सामना होटेल लगायतस्थानिय साना खाजा नास्ता पसलहरुको अनुगमन गरेको हो ।
कुनै वस्तु वा सेवा प्रदायकले उपभोक्ता हितविरुद्धका व्यापारिक गतिविधि नगरून् भन्ने उद्देश्यले अनुगमन गरिएको सहायक प्रमुख जिल्ला अधिकारी हरि बहादुर पन्तले बताउनु भएको छ । होटेल यसोसियसन मकवानपुर अध्यक्ष भगिरत शर्माले भान्सा सफा र स्वस्थ्यकर रहनुपर्ने र यसका लागि कञ्चको समेत दायित्व रहेकोले अनुगमनमासंघको तर्फबाट आफ्नो सहभागिता रहेको बताउनु भएकोछ ।
पुनः अनुगमन आउदा समेत सोहि अवस्थामा भेटिएको खण्डमा ताला लगाउने चेतवानी समेत दिनु भएको थियो । जिल्ला संमन्वय समितिका सहायक प्रमुख जिल्ला अधिकारी हरि बहादुर पन्त , उपभोक्ता हित संरक्षण मञ्च मकवानपुर अध्यक्ष वासु खतिवडा , क्षेत्रिय खाद्य तथा गुण नियन्त्रण कार्यालय मकवानपुरका वरिष्ठ खाद्य अनुसन्धान अधिकृत राजकुमार रिजाल र सञ्चारकर्मीहरुको सहभागिता रहेको थियो ।
0 comments
Write Down Your Responses