मकवानपुर , २९ बैशाख ।  निर्वाचन आचारसंहितालाई उल्लंघन गरेको भन्दै मकवानपुरको कैलाश गाउँपालिकामा गृहराज्यमन्त्री इन्द्रबहादुर बानियाँलाई कालो झण्डा देखाएर विरोध प्रदर्शन गरिएको छ ।

नेकपा एमाले, नेकपा माओवादी केन्द्र र राप्रपाले संयुक्त रुपमा कैलाश गाउँपालिका वडा नं ६ पकनीमा सडकमा कालो झण्डा देखाएर बिरोध जनाएका स्थानिय नेता कालु ढकालले जानकारी दिनु भयो ।
बानियाँ बैकुण्ठमा आयोजित घाटु महोत्सवमा मन्तव्य व्यक्त गर्दै २० करोड लागतमा खानेपानी योजना बनाइदिने आश्वासन दिएको स्थानीय बासिन्दाले बताएका छन ।

मौन अबधिमा आचारसंहिता बिपरित विभिन्न बहाना बनाएर राज्यको स्रोत दुरुपयोग गरी राजनीतिक गतिविधिमा संलग्न भएकाले कालोझण्डा प्रदर्शन गरिएको तीन दलका स्थानीय नेताहरुले बताएका छन् ।