साहित्यकार मालिका केसरीको कृतिमाथी बहस
काठमाडौ । साहित्यकार मालिका केसरीको उपन्यास ‘सुवर्णलता’ बारे राजधानीमा अन्तरसंवाद कार्यक्रम भएको छ ।
अन्तरसंवाद कार्यक्रममा प्राध्यापक राम प्र. ज्ञवाली,समालोचक राम लोहनी र साहित्यकार अमर न्यौपानेले पुस्तकका बिषयमा बोलेका थिए ।
अन्तर सम्वाद कार्यक्रममा बोल्दै उनीहरुले केसरीको उपन्यास सुवर्णलताले पाठकको ध्यान आकर्षण गर्ने विस्वास व्यक्त गरेका थिए । उपन्यासकार अमर न्यौपानेले उपन्यासको भावपक्ष शसक्त भएपनि उपन्यास लामो भएको तर्क गरे ।
त्यस्तै साहित्यकार डा. रामप्रसाद ज्ञवालीले उपन्यास सुवर्णलतामा पाठकको ध्यान सुरुदेखि अन्त्यसम्म तान्ने तागत रहेको बताए ।
कार्यक्रममा समालोचक राम लोहनीले उपन्यास सुवर्णलता सरल भाषामा बगेको र बौद्ध दर्शनलाई समेत उतारिएकाले सबैले बुझ्नसक्ने कृति बनेको बताए । उनले भने,‘सुवर्णलतामा दुईवटा फरक कथा छ । एउटा पक्ष बर्तमान केन्द्रित छ भने अर्को बौद्धकालीन समयमा डुलेकोे छ ।
लेखक केशरीले पाठकबाट पाएको मायाले नयाँ उर्जा प्राप्त भएको भन्दै आफूमाथि नयाँ जिम्मेवारी थपिएको बताएका थिए । आफ्नो प्रयासलाई पाठकले मनपराएकै कारण बजारमा आएको छोटो समयममै सुवर्णलताको दोस्रो संस्करण आउन लागेको पनि उनले खुलासा गरे ।
उपन्यास सांग्रिला बुक्सले बजारमा ल्याएको हो ।
0 comments
Write Down Your Responses