राजनीतिक जागरण र विकासको खेती रुदानेले नै सुरु गरेको दावी
![](https://blogger.googleusercontent.com/img/b/R29vZ2xl/AVvXsEhJ3Axbq-bIpNkgrKG8zDsAuLZl2ICt97pGbwUh8yHNCqnOtYcqK6EvwbM8OG-1sfaBFIhwBSVQDoerUmiACFgxNqlO7XW1a9mUYARebIHmNxSnp106TrENgC31e97URqY5USBsEKiUkaY/s640/palung+bidari+dai.jpg)
पालुङ । उत्तरी मकवानपुरमा राजनीतिक जागरण र पालुङ क्षेत्रमा विकासे खेती रूपचन्द्र विष्टबाट सुरु भएको राष्ट्रियसभा सदस्य तथा वरिष्ठ अधिवक्ता रामनारायण विडारीले बताउनुभएको छ ।
रूपचन्द्र विष्ट रुदानेको १९औँ स्मृतिमा आयोजित राष्ट्रिय काव्य उत्सव, २०७५ मा थाहा नगरमा आयोजित कार्यक्रममा उनै विष्टका अनुयायी बिडारीले यस्तो दावी गर्नुभएको हो ।
थाहामा हालसम्म पनि विकासे खेती, विकास घर, विकासे चौर रहेको स्मरण गराउँदै उहाँले रूपचन्द्रले त्यस समयमा समाज र आर्थिक विकासका लागि खेलेको भूमिका अतुलनीय रहेको जिकिर गर्नुभयो ।
कवि भावनाका रुदानेका अधिकांशश पर्चाहरु कवितात्मक शैलिमै लेखिएका छन् । ‘सत्य थाहा हुँदा झूट नाश हुन्छ’ भन्ने रूपचन्द्रको भनाइमा केन्द्रित रहेर थाहा नगर पालिकाको सहयोगमा कवि गोष्ठी आयोजना गरिएको हो ।
रूपचन्द्रद्वारा नै प्रधानपञ्च भएका बेला निर्मित थाहा नगरपालिका– ३ को विकास घरमा संचालन भएको उत्सवमा सातवटै प्रदेशका ३५ जिल्लाका ६२ जना कविहरूले आफ्ना रचना वाचन गरेका थिए ।
कविहरूले रुदाने, स्वरूपे, जनमुखी नेतालगायत अन्य नामले चिनिने रूपचन्द्र विष्टको नाम र योगदान समेटिएका रचनाहरू वाचन गरेका थिए ।
कवि तथा सहित्यकारहरूले रूपचन्द्रको कथा, व्यथा, उनले फैलाएका सन्देशलाई रचनामार्फत वाचन गरेका थिए । थाहा नगरपालिकाको आयोजना तथा पालुङ साहित्य परिषद्को समन्वयमा उत्सव भएको हो ।
थाहा कला केन्द्रका अध्यक्ष सानोबाबु मोक्तानले संचालन गरेको उत्सवमा थाहा नगरपालिका वडा नम्बर– ३ का वडा अध्यक्ष राजेश केसीले स्वागत गरेका थिए ।
उत्सव थाहा नगरपालिका प्रमुख लवशेर विष्टको अध्यक्षतामा भएको हो ।
![](https://blogger.googleusercontent.com/img/b/R29vZ2xl/AVvXsEjU9uVziQDzRf9w8DY4aSPSaBlU1hBW3T1B-rJ80-72fHZ8e7slK-21Gw3IIypaF35fxLImTV93rlHA12QW8JfWvEZOKKkjHntPSY0CjVr656jcFZCim_sGbBj-j4zVgQX3lvumy-OvuYQ/s640/bidari+dai+bb.jpg)
![](https://blogger.googleusercontent.com/img/b/R29vZ2xl/AVvXsEj7b7EUJwTGIFUve69Kbtfv5x4LmDulQFuItJEhz2lqOlFGtflTrROB449TeRhrbp6DLpv7Ov8f0zSkBK7wovv3YDiAo4HkU6HAOe2WL9INBGarwExuDqv6Vo8HjUFU9ORhxadDfaRy7b8/s640/palung+kabya+sammelan.jpg)
![](https://blogger.googleusercontent.com/img/b/R29vZ2xl/AVvXsEj2GAZi5Oj7aGLWjVS_JrNqZSpG_jV34Sqybk7BT2LbngtXQ9pxZoRaDNaHTQpiQKcYySk1rZ4MIY5cn9LPE2KXid0ajRdfHRNBRwqNK5E-bKLdlj28a9VVjrtRaEQWRmcodX6YqPTAR0k/s640/DSC_0199.jpg)
0 comments
Write Down Your Responses