इन्द्रसरोवरको दुइ वडा ‘वालमैत्री’ घोषणा हुँदै, मन्त्री लालबाबुले आतिथ्यता जनाउने
मकवानपुर । मकवानपुरको एक गाँउ पालिकाको २ वटा वडा वालमैत्री वडाका रुपमा घोषणा हुने भएको छ । ईन्द्रसरोवर गाउँपालिकाको ४ र ५ वडा संयुक्त रुपमा वालमैत्री वडाका रुपमा घोषणा हुन लागेको हो ।
आगामी जेठ २९ गते मंगलबार फाखेल स्थीत पुरुण्डीमा भव्य कार्यक्रम गरी उक्त घोषणा हुन लागेको हो ।
उक्त घोषणका लागि सघीय मामला तथा सामान्य प्रशासन मन्त्री लालबाबु पंडित मंगलबार फाखेल आउने निश्चीत भएको गाँउपालिका का अध्यक्ष जीवन लामाले जानकारी दिए ।
ईन्द्रसरोवर गाउँपालिका वडा नं ४ र ५ लाई यहि जेठ २९ गते बिश्व बालश्रम बिरुद्ध दिवसको अवसरमा वालमैत्री वडाका रुपमा घोषणा गर्न लागिएको हो ।
कार्यक्रममा सांसद, राजनीतिक दलका प्रतिनिधी तथा विभिन्न संघ संस्थाका प्रतिनधीका साथै नागरिक समाजको पनि सहभागिता रहने बताइएको छ ।
बि.स. २०६३ सालदेखि नै साबिक फाखेल गा.बि.स.लाई बालमैत्री घोषणा गने प्रयासमा रहे पनि हाल ईन्द्रसरोवर गाउँपालिका भैसक्दा गाउँपालिकाको ५ वटा वडाहरु मध्ये दुईवटा वडाहरु ४ र ५ लाई बालमैत्री वडा घोषणा गर्न लागिएको हो ।
बालमैत्री घोषणा कार्यक्रमको मिति नजिकिएसंगै फाखेल कार्यक्रमको ब्यवस्थापनको तयारी तिब्र परिएको गाँउ पालिकाका कार्यकारी अधिकृत शैलेन्द्र भण्डारीले जानकारी दिए ।
0 comments
Write Down Your Responses