चुनियाँ हुँदै कैलाश गाउँपालिका जाने सडक कालोपत्रे गर्छु : काँग्रेस नेता बानियाँ
![](https://scontent.fktm9-1.fna.fbcdn.net/v/t1.15752-9/47578404_751973761822719_6292280672375537664_n.jpg?_nc_cat=100&_nc_eui2=AeHDngsrpY5Ldt7Ck382L4u6VE-c58hMySU_o-YVQYswsEcSC7V3Q59fYtKR-g9ni-D0zqRVWtOcwJBvUFqYrLhbhj0YiypT9yPw0Djoe0Lv6A&_nc_ht=scontent.fktm9-1.fna&oh=488419c59cf79ee8534df091d2a9736d&oe=5C9F5A7B)
हेटौँडा / प्रदेश ३ का प्रमुख विपक्षी दल नेपाली काँग्रेसका संसदीय दलका नेता ईन्द्रबहादुर बानियाँले वर्षौदेखि अधुरो रहेको चुनियाँ नामटार कालिकाटार सडक कालापत्रे गर्ने प्रतिबद्धता ब्यक्त गर्नु भएको छ ।
निर्माण व्यवसायी संघ मकवानपुरको आयोजनामा मकवानपुरको विकट गाउँ कैलाश गाउँपालिका १० स्थित कुमलटारमा शुक्रबार आयोजित निःशुल्क स्वास्थ्य शिविरको उद्घाटन गर्दै उहाँले आगमी चार वर्षभित्रमा स्तरोन्नतिसँगै कालोपत्रे गर्ने बताउनु भयो ।
११ औँ निर्माण दिवशको अवसरमा शुक्रबार सामुदायिक स्वास्थ्य क्लिनिकको परिसरमा स्वास्थ्य शिविर आयोजना गरिएको हो ।
सडक निर्माण भएपछि ग्रामीणक्षेत्र सुगम बन्ने र स्वास्थ्यलगायतका सेवामा पहुँच वृद्धि हुने भएकोले पूर्वाधार निर्माणमा आफूले जोड दिएको बताउनुभयो ।
उहाँले निर्माण व्यवसायीलाई वर्तमान सरकारले अपराधीलाई जस्तै व्यवहार गर्ने गरेको बताउँदै निर्माण व्यवसायीहरुलाई कार्यस्थलमा इमानदारीपूर्वक जिम्मेवारी पूरा गर्न आग्रह गर्नुभयो ।
स्थानीय बासिन्दालाई आफ्नो स्वास्थ्य समस्याको समयमा उपचार गर्न भन्दै स्थानीयको स्वास्थ्य उपचारमा सहयोग गर्ने बताउनुभयो ।
कार्यक्रममा संघका निवर्तमान अध्यक्ष आनन्दराम पराजुलीले राष्ट्र निर्माण निर्माण व्यवसायीको महत्वपूर्ण भूमिका रहेको चर्चा गर्दै सरकारले निर्माण व्यवसायीमाथि गलत व्यवहार गरिरहेको बताउनुभयो ।
वरिष्ठ मुटुरोग विशेषज्ञ डाक्टर विष्णुमणि धितालले स्थानीयलाई रोग लुकाएर नराख्न र समयमा उपचार गर्न भन्दै स्वास्थ्य विमा गर्न आग्रह गर्नुभयो ।
संघका अध्यक्ष श्यामसुन्दर ढकालले संघले सामाजिक उत्तरदायित्वअन्तर्गत निर्माण दिवशका अवसरमा स्वास्थ्य शिविर आयोजना गरेको बताउँदै स्थानीय बासिन्दाको स्वास्थ्य सेवाका लागि आवश्यक थप सहयोग गरिने बताउनुभयो ।
कार्यक्रममा संघका निवर्तमान अ
![](https://scontent.fktm9-1.fna.fbcdn.net/v/t1.15752-9/47685877_653618225035980_5758112858172817408_n.jpg?_nc_cat=104&_nc_eui2=AeG7VveeOTXlaa8NqAT9EpP2w5M_AlKfKjuMNMWdpvwroIqcZpWPRByv1V_sbdtVSYGtOCmrmuqqY6HX3Ic7AzafxoPA8vZIrqhKe94hQtGToA&_nc_ht=scontent.fktm9-1.fna&oh=3150d45d3e6c8658812aba612b63e276&oe=5CAF4BAA)
शिविरमा डाक्टर विष्णुमणि धिताल, डाक्टर आरिफ करिम र डाक्टर राहुल श्रेष्ठसहितको टोलीले स्वास्थ्य शिविरमा स्थानीय दुईसयभन्दा बढीको स्वास्थ्य जाँच गर्नु भएको थियो ।
न्यू त्रिवेणी मेडिकलको सौजन्यमा भएको शिविरमा आएकाहरुलाई इसिजी सेवासँगै रक्तचाप, सुगर, मुटुरोगलगायतका विरामीहरुको स्वास्थ्य जाँच गरिएको थियो । संघका उपमहाचिव भवनाथ अधिकारीको संयोजनमा भएको स्वास्थ्य शिविरबाट कैलाश गाउँपालिकाको ३, ४, ९ र १० वडाका बासिन्दाहरु लाभान्वित भएका छन् ।
![](https://scontent.fktm9-1.fna.fbcdn.net/v/t1.15752-9/47575969_292369731623669_9188055852219629568_n.jpg?_nc_cat=102&_nc_eui2=AeHgATqILtzBt1mkxhiD5wCWf6KQ2hkMyuYzrbys-HbYNx6TdTD-w6KJtLWcmggV-wLtOc9gbQRCJLGRNV3IDpm0B7Ez0RAalVz1LyKU0aAI-Q&_nc_ht=scontent.fktm9-1.fna&oh=625a731e2aa55b8271be01fc62c4d056&oe=5CA599F9)
0 comments
Write Down Your Responses