बिहीबार शुक्लागण्डकी–७ की ६१ बर्षिय कुमारी गाहामगरको पित्त थैलीको पत्थरीको मेजर अप्रेसन सफलतापुर्वक सम्पन्न गरिएको हो । 

सर्जन डा. परिर्वतन बरालको नेतृत्वमा एनेसथेसियोलोजिष्ट डा. रमेश घिमिरे, डा. अभिषेक पौडेल नेतृत्वको टोलीले सफलता पुर्वक शल्यकृया गरेको जिपी कोइराला राष्ट्रिय श्वास प्रश्वास उपचार केन्द्रका निर्देशक डा. रामकुमार श्रेष्ठले बताए । श्रेष्ठले भने, ‘बिहीबारबाट मेजर अप्रेसन सफलता पुर्वक सम्पन्न भयो, ‘अव दैनिक रुपमा शल्यकृया सेवा अस्पतालले प्रदान गर्नेछ’ शल्यकृया सेवा सफलता पुग्नु अस्पतालका लागि खुशीको बिषय भएको समेत निर्देशक श्रेष्ठले बताए ।

विरामी गाहामगरको पित्त थैलीको शल्यकृया गर्ने क्रममा अस्पतालमा कार्यरत नर्सिङ्ग अधिकृत रिना पौडेल,स्टार्फ नर्सहरु दिल कुमारी भुजेल,सृजना कुंवर,पुजा थापा, एलिसा थापा,रीता श्रेष्ठ, सुस्मिता महत सहयोगीमा दिल बहादुर विष्ट,शन्तुमाया ढुङ्गाना र नवराज पौडेलको टोली रहेको अस्पताल प्रशासनले जनाएको छ ।

जिपी कोइराला राष्ट्रिय श्वास प्रश्वास उपचार केन्द्रले २०७३ साल साउन देखि गुणस्तरीय स्वास्थ्य सेवा प्रदान गर्दै आएको छ । 

अस्पतालमा गुणस्तरीय सेवा पाएपछि अस्पतालमा तनहुँ, लमजुङ्ग, पाल्पा, स्याङजा, नवलपुर लगायतका जिल्लाबाट सेवा लिन बिरामी आउने गरेको बताइन्छ । 

अस्पतालले सेवा विस्तार गरेर त्यस क्षेत्रका नागरिकहरुलाई सर्वसुलभ मुल्यमा गुणस्तरीय सेवा दिने कुरा गौरवको बिषय भएको अस्पतालका बोर्ड सदस्य राम भण्डारीले बताए ।

अस्पतालमा फार्मेसिको ब्यवस्थापन राम्रो रहेको र बिमाबाट पाउने औषधि नियमित रुपमा पाउने गरेको अस्पतालका फमेर्सी अधिकृत मुकेन्द्र प्रसाद यादवले बताए । अस्पतालको भौतिक विस्तार समेत अगाडि बढ्दै गएको छ ।