काठमाडौं । गीतकार डा. तारानाथ घिमिरे ‘धुर्कापानी’को गीत ‘दिनमा पनि रातमा पनि...’ सार्वजनिक गरिएको छ । यो गीतमा स्वर र संगीत विष्णु अधिकारीको छ । शनिबार आयोजित कार्यक्रममा डा. नवराज लम्सालले उक्त गीत सार्वजनिक गरे । उनले गीतमा सघन चेतना प्रवाह भएको बताए । यो गीत चोटहरूको संग्रह भएको उनले टिप्पणी गरे ।
सोही अवसरमा ‘सुगम संगीत ः आस्था र अवस्था’ विषयमा संगीतका अनुसन्धाता डा. विष्णु दाहालले प्रवचन दिए । दाहालले गीतसंगीतमाथि विहङ्गम अभिव्यक्ति दिँदै सुगम संगीतलाई सबैले मन पराउने बताए ।
संगीत समयानुसार परिवर्तन हुँदै गएको उनले उल्लेख गरे । तर, कालान्तरमा सुगम संगीतले नै स्रोताको मन जित्ने उनले बताए । युवापुस्तालाई सुगम संगीतबारे जानकारी गराइनुपर्नेमा उनले जोड दिए । समीक्षक डा. गीता त्रिपाठीले यो गीतमा सरल शब्दमा गहिरो संवेदना लुकेको बताइन् ।
संगीतकार राजु सिंहले गीतमा ‘नोट’हरूको राम्रो प्रयोग भएको बताए । यो ‘स्वीट ब्लुज’ गीत भएको चर्चा गरे । कार्यक्रममा गीतकार धुर्कापानीले गीत लेख्दाको अनुभव सुनाए । गायक तथा संगीतकार अधिकारीले शब्दलाई संगीतबद्ध गर्दाको क्षण सबैसँग साझा गरे । यो गीत विष्णु अधिकारीको आधिकारिक युट्युब च्यानलबाट प्रसारण थालिएको छ ।
‘हामीले अथक प्रयास गरेर जे चिज प्राप्त गर्छौँ, त्यसपछि त्यो चिजको महत्व सकिन्छ । प्रेम र माया भन्ने चिज पनि त्यस्तै हो, प्राप्त भएका दिन त्यसको महत्व सकिन्छ’, गीतकार एवम् गजलकार डा. तारानाथ घिमिरे ‘धुर्कापानी’ ले आफ्नो गीत ‘दिनमा पनि रातमा पनि...’ को सार्वजनिक समारोहमा प्रस्तुत गरेको अभिव्यक्ति हो ।
सह प्राध्यापक समेत रहेका गीतकार डा. धुर्कापानीले गीतसंगीतमा परिचर्चा गरियो भने केही योगदान पुग्छ कि भनेर यस्तो कार्यक्रम आयोजना गरिएको बताए । उनले भने, ‘सुगम संगीतलाई टेवा पु¥याउने मेरो उद्देश्य हो।’
डीआर सिर्जना संसारद्वारा आयोजित कार्यक्रममा वरिष्ठ कवि डा. नवराज लम्सालले प्ले बटम थिचेर गीत सार्वजनिक गरेका थिए। गीतमा वरिष्ठ गायक तथा संगीतकार विष्णु अधिकारीको स्वर÷संगीत रहेको छ । उक्त अवसरमा सुगम संगीत ः आस्था र अवस्था विषयमा अन्तरक्रिया गरिएको थियो ।
त्रिवि पाटन संयुक्त क्याम्पसका राजनीतिशास्त्रका प्राध्यापक डा. घिमिरेका गीत र गजल प्रकाशित छन्। अनुसन्धानमा विशेष रुचि राख्ने घिमिरेका विभिन्न जर्नलहरूमा अनुसन्धानमूलक सामग्री प्रकाशित छन्।
0 comments
Write Down Your Responses