काठमाडौं । काठमाडौंको गैरीगाँउ–तिनकुने स्थित कर्पोरेट टावरमा काठमाडौं फ्रेस बेकरी सञ्चालनमा आएको छ । पोखरा र चितवनमा सफल सञ्चालन र राम्रो बजारपछि बेकरी काठमाडौंमा स्थापना भएको छ । 

शनिबार उद्योग वाणिज्य संघ बागमती प्रदेश समितिका अध्यक्ष दिलसुन्दर श्रेष्ठले बेकसरीको उद्घाटन गरे । महिनाभर १० प्रतिशत छुटको घोषणा गरेको कम्पनीले काठमाडौंमा आउटलेट सञ्चालन गरेसंगैं असामन्य परिस्थितिका कारण समस्या बेहोरेको छ । 

तैपति स्थिति सहज भएसंगैं पुनः सुचारु ग्रिने र ग्राहकहरुको सेवामा आफुहरु व्यग्र प्रतिक्षारत रहेको सञ्चालक अच्यूतमप्रसाद ढकालले जानकारी दिनुभयो । यो पटक काठमाडौंमा उद्घाटन भएको बेकसरीबाट बारिष्टा तालिम, फ्रोजन बेकरी आइटम र क्याफे सहितको सुविधा दिन थालेको थियो ।  

त्यहाँको तालिम लिएर वैदेशिक रोजगारमा पनि जान सक्ने कुरालाई दृष्टिगत गरी तालिम सञ्चालन समेत गरिएको बताइएको छ । उद्घाटन कार्यक्रममा सिटीइभीटीका पूर्व सदस्य सचिव डा.रामहरि लामिछानेले काठमाडौं फ्रेस बेकरीले राम्रो काम सुरु गर्नलागेको भन्दै प्रशंसा गरेका थिए । नेपालमा पहिलो पटक फ्रोजन बेकरी उत्पादनको अवधारण समेत यसले ल्याएको छ । 

बेकरीका सञ्चालक रोशन महर्जनले यो कम्पनी सञ्चालनसँगै नेपालमा पहिलो पटक फ्रोजन बेकरी उत्पादन गरी बिक्री गर्ने पहिलो कम्पनी भएको दाबी गरे । उनका अनुसार ३ वर्षअघि लन्डन भ्रमणबाट फर्केपछि प्रोजन बेकरी खोल्ने सोच आएकाले सुरुवात गरेको हो । ‘यो नेपालको फ्रोजन बेकरीमा पहिलो हो । यस्तो बस्तु ३ महिनासम्मको मिति तोकिएको हुन्छ । अन्य उत्पादन फ्रोजन उपलब्ध भए पनि बेकरीको उत्पादन थिएन। अब हामीले उपलब्ध गरेका छौं। यसको होम डेलिभरिको व्यवस्था पनि हुन्छ,’ उनले भने । 

पोखरा महेन्द्रपुलमा सुरुवात गरिएको काठमाडौं फ्रेस बेकरीले २८ औं वार्षिकोत्सव मनाएको छ । 

बेकरीको क्षेत्रमा काठमाडौं बेकरीले आफ्नो भिन्नै पहिचान बनाउन सफल रहेको भन्दै उद्घाटनका दिन सबैले प्रशंसा प्रशंसा गरेका थिए । कार्यक्रममा बोल्दै बेकरीका सञ्चालक रोशन महर्जनले २०४७ सालमा काठमाण्डौको ललितपुरवाट स्वर्गिय बुवा ओमलाल मर्हजन परिवार पाल्ने विकल्प खोज्दै पोखरा आउनुभएको र पोखराको ओपन हाउसमा केही समय जागिर गरेर जम्मा गरेको ३ हजार रकमले उहाँले पोखराको विशाल बजारमा वेकरी पसलको सूरुवात गरेको बताउनुभयो । 

वि.स.२०५१ सालमा बुवाको मृत्यु भए पछि रोशनले वुवाको वेकरी ठुलो वनाउने सपना पुरा गर्न २०५४ साल वैशाख १० गते देखि आधीकारीक रुपमा काठमाण्डौ फ्रेस वेकरी नाममा शितलादेविमा दर्ता गरेर संचालनमा ल्याएको जानकारी दिनुभयो । काठमाडौँ फ्रेस बेकरी पोखराको सितलादेवीसँगै महेन्द्रपुल, भरतपुर, सौराहा, पोखराकै लेकसाईडमा शाखा विस्तार गरेको र काठमाडौँमा शाखा विस्तार यो पटकदेखि भएको हो  । 

काठमाडौँ फ्रेस वेकरीले १ हजार भन्दा धेरै लाई वेकरी तालिमम दिएको छ भने सयौ जनालाई रोजगारी दिएको छ । ३ हजार वाट सुरु भएको पोखराको काठमाडौ वेकरी अहिले २५ करोड भन्दा वढीको कारोवार गर्ने फर्मको रुपमा पोखरामा परिचित रहेको छ । केक, कुकिज र अन्य वेकरी जन्य खाद्य पदार्थहरुमा २०० भन्दा वढी वस्तुको उत्पादन हुने गरेको छ । करिब ३ दशक अघि पोखरामा सुरु गरेको बेकरीले व्यवसाय विस्तारसँगै अब राजधानीमा पनि काठमाडौं फ्रेस बेकरी प्रालि सञ्चालनमा  ल्याँउदै फ्रेन्चाइज व्यवसाय विस्तार गरेको  छ । 

यहाँ करिब १ सय बेकरी आइटमहरू (कोदो, फापरका कुकिजसहित सुगर फ्रिसमेत) र वेभरेजलगायतका उपभोग्य वस्तुमा छुट दिने काठमाडौं फ्रेस बेकरीका सञ्चालक रोशन महर्जनले जानकारी दिए। 

करिब २ करोड रुपैयाँ लगानीमा सञ्चालित उक्त कम्पनीको सञ्चालकमा महर्जनसँगै सुजी आइसक्रिम इन्डस्ट्रिजका जितेन्द्रमान जोशी, इन्जिनियर राजेश महर्जन, हिमालयन इन्टरनेसनल ट्रेडर्सका अच्युतमप्रसाद ढकाल र प्रशिक्षक लोकेन्द्र योञ्जन रहेका छन् । 

सञ्चालक महर्जनका अनुसार सुरुवातमा ३ हजार लगानीबाट सुरु गरेको उक्त कम्पनीको शाखा विस्तारसँगै हाल कुल लगानी करीब १० करोड रुपैयाँ पुगेको छ भने करिब एक सय जनालाई रोजगारी प्रदान गरेको छ । 

सन् २००६ बाट बेकरीसम्बन्धी तालिम दिँदै आएको उक्त कम्पनीले सीटीईभीटीबाट मान्यता प्राप्त गरी काठमाडौं बेकरी ट्रेनिङ सेन्टरसमेत शनिबारदेखि सञ्चालनमा ल्याएको हो । विशेष गरेर राजधानीमा बेकरी तालिम दिने उद्देश्यले सञ्चालन गरिएको सञ्चालकको भनाइ छ । यद्यपि कम्पनीले सन् २०१८ देखि नै सीटीईभीटी मान्यता पाएर पोखरा र चितवनमा करिब १५ सयभन्दा बढीलाई प्रशिक्षण दिइसकेको जनाएको छ । 

उक्त सेन्टरमार्फत बेकरीसम्बन्धी एक महिनाको आधारभूत र ३ महिनाको एड्भान्स कोर्स गर्न सकिने भएको छ । तालिममा केक, कुकिज, ब्रेड, पिज्जा र वर्गरलगायत बेकरी आइटम बनाउने सीप सिकाउने सञ्चालक महर्जनले जानकारी दिए। ’यस्तो तालिम सीटीईभीटीको मान्यता प्राप्त हुने र अझ १५ वर्ष बेकरी क्षेत्रमा विदेशमा काम गरेर आएका प्रशिक्षकले दिने भएकाले प्रशिक्षार्थीले अन्तर्राष्ट्रिय स्तरको ज्ञान आर्जन गर्ने अवसर छ,’ उनले भने, ’यहाँबाट तालिम प्राप्त गरेकालाई रोजगारको सुनिश्चितता गरिनेछ । साथै तालिमपछि स्वरोजगार समेत दिइने बताइएको छ ।