पालुङमा हिलेनाचको रौनक सकियो
![](https://blogger.googleusercontent.com/img/b/R29vZ2xl/AVvXsEg1ngHIMqOcKoY5fk_4J036syUPUxEOu20VSkTnxPWx8NYbzsiWvL5aLT6vRmWWVzWhkoh1J92Vl7ZyGpF9TnBShjnWaDAl7qxKWyTZNXyMl1T9v5v93eRzjsJerE5zOU4MT2oQSMGGhCsa/s640/palung+hile+nach+%25282%2529.jpg)
पालुङ । हरेक वर्ष जनै पूर्णिमाको पर्सिपल्ट मकवनपुरको थाहा नगरमा मनाइने हिले जात्रा सम्पन्न भएको छ । यो जात्राको अवसरमा परम्परागत रोपाइको अभिनय गर्ने गरिन्छ ।
हिले जात्रा भनेर चिनिने यो जात्रामा स्थानीय नेवार समुदायका मानिसहरुले अभिनयबाट रोपाइको झलक समेत देखाउने गर्दछन् । थाहा नगरकोको जनकल्याण उच्च माविको प्राङ्गणमा भएको जात्रामा पालुङ शहर, देउला बस्ती, ओखरबजार र गोपाली गाउँका नेवार समुदायले छुट्छुट्टै रुपमा यस्तो अभिनय गर्ने गर्दछन् । सो नाचको अवसरमा लाखे नाच पनि प्रदर्शन गरिन्छ ।
धेरै पहिलेदेखि धान खेती गर्दै आएको थाहा नगरको टिष्टुङ पालुङ क्षेत्रमा धान रोपेर सकेपछि फुर्सदमा रहेका नेवार समुदायले रोपाइको अभिनय गरेर मनोरन्जन गर्ने गरेको स्थानीय शम्भू नापितले बताए ।
किम्बदन्तीअनुसार पौराणिक कालमा देवता र दानवबीच युद्ध हुँदा देवताको विजय भएको खुशीयालीमा हिले जात्राको शुरुवात गरिएको हो । खासगरी महादेव र देवासुरबीच महासंग्राम भएको र अन्त्यमा देवासुरले भाद्र कृष्ण द्वितीयका दिन घुँडा टेकेकोले सोही दिनलाई आधार मानी जात्रा मनाउन शुरु गरिएको बुढापाकाहरु बताउँछन् । जात्राको अवसरमा नेवार समुदायले देवता दैत्य युद्धलाई अभिनयको माध्यमबाट देखाउने गर्दछन् ।
हिले जात्राका दिन नेवार समुदायले लाखे नाच पनि देखाउँछन् । जात्राका कारण नेवार समुदायमा एकताको भावना अझ प्रगाढ हुने गरेको स्थानीय निरोज प्रधानले बताए । तर विगतको तुलनामा जात्रामा सहभागिता कम हुँदै गएकोमा भने चिन्ता व्यक्त गरिएको छ ।
![](https://blogger.googleusercontent.com/img/b/R29vZ2xl/AVvXsEjvLeRJa2E60suxSPFW8b5F-uNA8ED3rUsuUOJou89pPEjv9t-U6m_av-BYJYYb-qXg983rwKj8oiw64D4-4C4zFHDJ8qQf_mxOffOTD4MH1SrQLjEJzrYTtWkud8-w-1ddYHkHKQ1DXpTm/s640/palung+hile+nach.jpg)
![](https://blogger.googleusercontent.com/img/b/R29vZ2xl/AVvXsEgoM-c4QHVy0lepBV91GLdTtI_PevLvYxZKBzAvlpkxzkcqJT7bMYji-LPoao9gnIV8yZ3s7hRc9IaWyB0SBqf1MIt1382lu47-xKxFEGBB-z7iVwaOMnjTTNUXVDT3sNEyGbfAUpcKSWUq/s640/palung+hile+nach+%25283%2529.jpg)
0 comments
Write Down Your Responses