लण्डनमा आरजुको कला समर्पण
लन्डन । काठमाडौँकी आरजु सन्जेलको अहिले
लण्डनमा समेत चर्चा छ । किननी उनले विदेशमा रहेर पनि नेपाली कला बेजोड ढंगले
प्रसतुत गरेकी छिन् । मनदेखि नै लगाव भए केही काम गर्न समय र पैसाले रोक्दैन भन्ने
उदाहरण उनले लण्डनवासी सामु पेश गरेकी छिन् ।
सन्जेल लन्डनमा अध्ययनरत अकाउन्टको विद्यार्थी हुन् तर उनको कलाप्रतिको
समर्पण लोभलाग्दो रहेको छ ।
उनले यूकेको व्यस्तताबीच लन्डनमा चित्रकला
प्रदर्शनी गर्ने सोच यथार्थमा परिणत गरेरै छाडिन् । लन्डनस्थित नर्थहोल्ट लाइब्रेरीमा गतसाता
एकल चित्रकला सुरु गरेकी थिइन् । । प्रदर्शनीमा एक दर्जन चित्र टांगिएका छन् ।
प्रदर्शनीमा रहेका मध्ये ९ वटा चित्र चारकोल र
ग्राफीट अनि बांकी तीनवटा पानी
रंग र पेस्टल मिश्रणबाट बनाइएको आरजुले जनाइन् । ए थ्री र ए फाइभ साइजका ति चित्रले नेपालको प्रकृति समेत झल्काएका छन् । नेपालको लेक पनि उनको प्रदर्शनीमा समावेश छ ।
१८ वर्ष देखि उनले चित्र कोर्न थालेकी हुन् ।
एसीसीएको तीनवटा पेपर सकिएपछि उनी कलातिर झन् बढि समर्पित भइन् । १८ वर्ष छंदा
उनलाई फोटोग्राफीको नशा समेत चढेर डिएसएलआर क्यामेरा नै किनेकी आरजु जीवनमा केही
पृथक कुरा गर्न सधैं हौसिन्छिन् ।
फुर्सदमा उनी नयां प्रविधिबारे जान्न बुझ्न
यूट्युव हेरिरहन्छिन् । सप्ताहन्त पुस्तकालयमा गएर कला सम्वन्धि पुस्तक अध्ययन
उनको बानी हो । चित्र कोर्ने बेला यदाकदा कल्पनामा हराउंछिन् उनी ।
महिला, प्रकृति उनका रोजाइका विषयमा
पर्छन् । हाल एसीसीएको विद्यार्थी भएपनि आर्ट विषय
अध्ययनका लागि उनी अर्को वर्ष विश्वविद्यालय जाने सोचाइमा छिन् ।
0 comments
Write Down Your Responses