नामटार अप्रेशनमा दोहोरो फायरीङ, १७ राउण्ड हवाई फायर विरुद्ध २० राउण्ड गोली
![](https://blogger.googleusercontent.com/img/b/R29vZ2xl/AVvXsEjUqiPraR9zP5HjT7oDAAN-e0FrOWWNwTvIZ1sR-9W5r_Wm9Zf7YhIixr7ugNFvMKrbOmwPeRCD-c0HgJngJIzR7w8FT3dH0KK6XCzmrY-cjTI3agdM-If7QBbZuKBKH7U4mLI6ZMPG5V7w/s640/gaja.jpg)
नामटार, २२ मंसिर । मकवानपुरको नामटार गाविसमा गाँजा तस्कर र प्रहरीबीच दोहोरो गोली चलेको छ ।
गाँजा फाँड्न नामटार ६ भवाङ पुगेका प्रहरीलाई डाँडामा लुकेर गोलि चलाउने, ढुंङ्गा हान्ने गरेपछी प्रहरीले पनि फायरीङ गरेको जिल्ला प्रहरी कार्यालय मकवापनुरका प्रहरी उपरिक्षक मिरा चौधरीले जानकारी दिनुभयो ।
गाँजा फडानी गर्न ५१ जना प्रहरीको टोली गएको थियो । उनीहरुलाई लक्षित गर्दै गाँजा तस्करले गोली हान्ने र ढुङ्गा मुढा गर्न थालेपछि प्रहरीले १७ राउण्ड हवाई फायर गरेको प्रहरी उपरिक्षक चौधरीले बताउनुभयो ।
गाँजा तस्करहरुले २० राउण्ड गोली हानेका थिए । गाँजा फडानी गर्न प्रहरी उपरीक्षक धिरज प्रताप सिंहको नेतृत्वमा ५१ जना प्रहरी मंसिर १७ गतेबाट नामटार अप्रेशनमा छन् । अबैध रुपमा गरिएको गाँजा खेति फडानी गर्न जाँदा उल्टै प्रहरीमाथी गोलि चलाउनेलाई खोजी गरेर कारवाही गर्ने प्रहरी उपरीक्षक चौधरीले बताउनुभयो ।
गाँजा फाड्नका लागि नामटार पुगेको प्रहरी टोलीले झण्डै ५० बिगाहा क्षेत्रफल जमिनमा लगाइएको गाँजा फडानी गरीसकेको छ ।
![](https://blogger.googleusercontent.com/img/b/R29vZ2xl/AVvXsEj093EXQcn54i7I73WnGxKcz5B6JUq9EWRpheBPdckAB7NEdVg0cM722-DCUraE2goJf3MwcyBMSpwvvx7FfdnIi-nT0c_4w0YHfW_XO0_LGU68d30ES7R7B7SjSOW-_On4H6lIe6I6gfQd/s640/gaja+2.jpg)
![](https://blogger.googleusercontent.com/img/b/R29vZ2xl/AVvXsEgaCDoNN-j2gwXnX1AgtmgCUqHqanJh5dPyrkRtfeJ6Fo7ZRHdluByioN3-2vAihjANUW1iKhpyBdP3cOaLyEq1kLRpiAeAioCRD7l9B_Oh-6xs2lvt5a32oAwQnOgwAOCZityw5ac1KJTs/s640/gaja3.jpg)
0 comments
Write Down Your Responses