Powered by Blogger.
थाहाका भूकम्प पिडितलाई न्यानो कपडाका किन्न रेडक्रसले दियो रकम


पालुङ, २९ मंसिर । भूकम्प पीडितलाई जाडो याममा ‘न्यानो कपडा खरिद’का लागि थाहा नगर पालिका वडा नम्मर ६ र ७ का भूकम्प पिडितहरुलाई प्रतिव्यक्ति १० हजार रुपैयाँ वितरण गरिएको छ । 

थाहा नगरपालिका वडा नम्मर ६ का ३ सय ९५ र वडा नम्मर.७ का ४ सय ३२ भूकम्प पिडितलाई रकम वितरण गरिएको रेडक्रसका जिल्ला सदस्य हरिकृष्ण कार्कीले जानकारी दिनु भयो ।भूकम्प पिडितहरुलाई नेपाल रेडक्रस  सोसाइटी शाखा हेटौडाको सहयोगमा हाल सम्म गोगने गाविस , डाँडाखर्क, नामटार, खैराङ गाविसमा रकम वितरण गरि सकेको कार्कीले बताए । 

पूर्ण रूपमा घर क्षति भएका परिवारलाई जाडोयाममा कपडा खरिद गर्न सो रकम प्रदान गरिएको हो  । अस्थायी टहरामा बसिरहेका पीडितलाई चिसोले आक्रान्त पारेको पीडा पोखिएपछि सरकारले न्यानो लुगा खरिद गर्नका लागि भनी थप १० हजार रुपैयाँ प्रति परिवार दिने घोषणा गरेको थियो । ढिलै भए पनि रकम पाएकोमा आफुमा खुसी छाएको नगरका  पीडितले बताएका छन । पीडित सुमन केसीले रकमले केही मात्रै भए पनि राहत मिल्ने भन्दै खुसी प्रकट गरेका गरे । 

त्यस्तै मकवानपुरको गोगने गाविसका ७ सय ६० घरधुरी मध्ये ७ सय २६ घरधुरीका व्यक्तिहलाई १० हजार वितरण गरिएको छ । नेपाल सरकारबाट जाडो महिनाको लागि न्यानो कपडाको लागि  दिने भनिएको १० हजार नेपाल रेडक्रस सोसाइटीबाट बितरण भएको हो । ७ सय २६ घरधुरीले रकम बुझिसकेको गाविसका सचिव राजेन्द्र कुमार क्षेष्ठले बताउनुभयो ।

छुट भएका व्यक्तिहरुले नेपाल रेडक्रस सोसाइटी हेटौडाको फोन ०५७ ५२०७११ वा ९८४५०२८७११ मा सम्पर्क गरी आफ्नो रकम लिन सकिने बताएको छ  ।



0 comments

Write Down Your Responses

pfizer vaccine