Powered by Blogger.
मकवानपुरमा गुटको राजनीति त्यही हलमा समाप्त भइसक्यो

रामचन्द्र बल लामा, जिल्ला कमिटी सदस्य, नेकपा एमाले (मकवानपुर)

नेकपा एमाले मकवानपुरको १० औं अधिवेशनबाट  पूर्व विद्यार्थी नेता रामचन्द्र बल लामा शानदार मतका साथ निर्वाचित भए । २ नम्मर क्षेत्रको भूगोल कोटाबाट निर्वाचित उनी जिल्लाका लोकप्रिय र मिलनसार नेताका रुपमा चिनिन्छन् । यस अघि समेत एक कार्यकाल जिल्ला कमिटी सदस्यका रुपमा काम गरिसकेका उनी २ नम्मर क्षेत्रमा मात्र होइन जिल्लाभरी नै अलग्गै पहिचान बनाउन सफल भएका छन् । ०४५ सालतिर अनेरास्ववियुको जिल्ला कमिटी सदस्य समेत भएर भूमिगत राजनीति समेत गरेका उनी लामो समय राजनीतिबाट ओझेल परेका थिए । 

पेशाका क्रममा राजधानी बस्दा उनी नेकपा एमाले मकवानपुर काठमाडौँ सम्पर्क मञ्चको सल्लाहकार तथा २ कार्यकाल नारायणी अञ्चल सम्पर्क कमिटीको सदस्य भएर पार्टी काममा लागिरहे । सम्पर्क मञ्चको राजनीतिमा सक्रीय भइरँदा उनी भूगोलको सम्वन्धबाट टाढिकएमा थिएनन् । बल पार्टी काममा लागि हप्ताको दुई पटक गाउँ जान पनि पछि पर्दैनथे । उनले गाँउ, इलाका र क्षेत्रीय कमिटीमा पनि लामो समय पार्टी काम गरीरहे । यही कारण भूगोलको राजनीतिमा जर्वजस्त स्थापीत भएका उनी नेपाल लोकतान्त्रिक तामाङ संघका केन्द्रीय सचिवालय समेतको जिम्मेवारीमा छन् ।  

नख्खुजेल विद्रोहका अगुवा वीरबहादुर लामाहरुले एमाले छोड्दा कुनै हालतमा पनि पार्टी परित्याग गर्न दिनु हुँदैन भनेर निक्कै लागेका थिए   उनी । वीरबहादुरसंग पारिवारिक नाता समेत जोडिएका उनले वीरबहादुरले एमाले त्यागेर संघीय समाजवादी पार्टी गठन गरेपछि मकवानपुरका आम तामाङ समुदायलाई समेटेर बहुपहिचानका पक्ष र पार्टी निर्णयमा एकढिक्का राख्न निक्कै मेहनत गरेका थिए । 

२०४१ सालदेखि पार्टी राजनीतिका जोडिएका  उनी हाल जिल्ला सदस्यमा निर्वार्चित भएपछि क्षेत्रीय इन्चार्ज समेत बन्ने चर्चा चलिरहेको छ । भर्खरै सम्पन्न जिल्ला अधिवेशन, पार्टी राजनीति र एमाले मकवानपुरका थप योजनाबारे लामासंग दामन पोष्ट डटकमले लामो कुराकानी गरेको छ । प्रस्तुत छ कुराकानीका केहि अंशः

सर्वप्रथम त जिल्ला कमिटी सदस्यमा निर्वाचीत हुनुभएकोमा तपाई  र तपाई मार्फत सिङ्गो कमिटीलाई हार्दिक बधाई छ ?

हार्दिक धन्यबाद छ तपाईहरुलाई । र, तपाई मार्फत सिङ्गो सञ्चार क्षेत्रलाई, जसले हाम्रा गतिविधीहरु प्रचारप्रसारमा ठूलो भूमिका निर्वाह गर्नुभयो । म र मेरो सिङगो कमिटी  अझ खासगरी नवनिर्वाचित अध्यक्ष मुनु सिग्देलका तर्फबाट पनि आम कार्यकर्ता, नेता र जिल्ला अधिवेशन  सफल पार्न सहयोग गर्नुहुने सबैलाई हार्दिक आभार प्रकट गर्दछु ।

मकवानपुरमा लामो समय एक पक्षले पार्टी सत्ता चलाएको थियो, अहिले कस्तो अनुभुती गर्दै हुनुहुन्छ ?

पक्ष र विपक्ष भन्ने कुरा त सोचाईमा भर पर्ने कुरा हो । विगतमा सबैले एकजुट भएर पार्टीको भलो चिताएर काम गर्दा पनि सिमित व्यत्तिहरुको मात्र बोलवाला रह्यो । केही स्वार्थको झुण्डले इमानदार सार्थीहरुलाई सधैं उपेक्षा र समान खालका अवशरबाट समेत बञ्चित गर्ने काम ग¥यो ।

 हेटौंडाका बसेर गुटको खेती मात्र गर्ने तथा एकले अर्काको खुट्टा तान्ने अभ्यास भए । यसले गर्दा कुनै गुट फुट नचाहने असली कार्यकर्ता र नेताहरुलाई पनि जर्वजस्त अर्को गुटको जामा भिराउने काम भयो । यसले मकवानपुरका जर्वजस्त प्यानल बन्यो । दुबै पक्ष संगठित भएर गए । भखैरै सम्पन्न अधिवेशनले नयाँ इतिहास रच्यो । अहिले जिल्लाको पार्टी राजनीतिमा राजनीतिक शक्ति शन्तुलन मिलेको छ । 

तलसम्मै गुटगत हिसाबले भोट माग्नुभयो, यसले कार्यकर्तामा असर पार्दैन ?

एमालेमा माथिका  नेता जति सचेत छन् तलका कार्यकर्ता त्यो भन्दा बढी सचेत र संगठित भएको मैले पाएको छु । कार्यकर्ताको बलियो जगबाट नै एमाले राष्ट्रिय राजनीतिमा ड्यासीङ र अन्य दललाई आफूसंगै लतार्न सक्ने हैसियतमा पुगेको हो । कुनै एउटा सन्दर्भमा जिल्लामा त्यसरी प्यानलको अभ्यास भएपनि अब अधिवेशन सम्पन्न भएसंगै त्यो प्यानलको अभ्यास समाप्त भइसकेको छ । 

हामीले निर्वाचित भएर शपथ ग्रहण गर्ने बेलामा हलबाटै अब कसैलाई उपेक्षा र भेदभाव नहुने गरी समेट्ने उद्घोष गरिसकेका छौं । यो कुरा आम कार्यकर्ता साथीहरुको माझमा भनिएको छ । त्यसैले अब गुटको राजनीति त्यही हलमा समाप्त भइसक्यो भनेर बुझ्दा हुन्छ । 

फेरि गुटको खेती गर्न थालियो भने कार्यकर्ताले नै लाठो लिएर खेद्ने अवस्था बन्छ । त्यसैले अब २ गुट एकै भइसक्यो । विगतका तिता मिठा कुरा भुलेर पार्टी काम उठाउनुको अब विकल्प छैन ।

तपाँई क्षेत्रीय इन्चार्ज दावी गर्दै हुनुहुन्छ रे हो ?

भूगोलका कोटामा निर्वाचित भएको र समकालिन भन्दा सिनियर भएकोले हुनत मैले नै इन्चार्ज पाउदा पनि अन्यथा हुँदैन । तर यो कुरा मैले मिडीयाबाट भन्न मिल्दैन । साथीहरुले अहिले नै मलाई प्रश्ताव गर्नुभएको भन्ने मैले बुझेको छु । 

तर म भन्दा सिनियर र यसअघि क्षेत्रको इन्चार्ज भइसकेका कमरेडहरुलाई पनि चित्तबुझ्दो र पर्याप्त काम दिन सकेमात्र म इन्चार्ज बन्छु अन्यथा मिलाएर जान पनि सकिन्छ भनेको छु । सचिवमा उमेद्वार बने पनि सफल हुन नसक्नु भएका कमरेड विष्णु ढकालसंगको आपशी परामर्श र आम साथीहरुको सुझावका आधारमा मात्र यो विषय टुङ्ग्याइनेछ । 

जिल्ला र क्षेत्रमा पार्टी काम कसरी अगाडि बढाउने योजना छ ?

पहिलो बैठक नै अब केही दिनमा बस्दैछ । वृहत कार्ययोजना र अभियानहरु प्रश्तावका रुपमा छलफलमा पक्कै आउला । तर अबको हाम्रो मूल ध्येय भनेको तलसम्मै राजनीतिक तथा वैचारिक प्रशिक्षण चलाउने, कार्यकर्ताहरुलाई विभिन्न उत्पादन र व्यवसायसंग जोडेर आत्मनिर्भर बनाउने र वडासम्मका हरेक कमिटी चलायमान बनाउने भन्ने हो । कार्यविभाजनपछि यसले गति लिन्छ ।

तामाङ बाहुल्य क्षेत्रमा बाहुन क्षेत्री मात्र नेता बने भन्ने आम कार्यकर्ताको गुनासो छ नी ?

अबको जमानमा जातका आधारमा नेता बन्ने दिन गए । क्षमता र प्रतिश्पर्धाका आधारमा नेतृत्व लिनुपर्छ । अनि हामी जातकै आधारमा पछि परेको भन्ने पनि मान्दैनौं । हाम्रौ समुदायबाट वीरबहादुर लामालाई पार्टीले सांसद, जिल्ला विकास समितिको सभापति, केन्द्रीय सदस्य लगायत धेरै जिम्मेवारी दिएकै हो ।

 केही समय धैर्यता गर्न सक्नुभएको भए शायद उहाँ मन्त्री बन्ने पनि निश्चित नै थियो । अब पहिलेको जस्तो संकिर्ण मानसिकताका आधारमा ‘नाक चुच्चे र नाक थेप्चे’ नभेर राजनीति गर्ने जमान गयो । अहिले तामाङ समुदायबाट म छु, राजारामजीहरु सांसद नै हुनुहुन्छ । इश्रलाल रुम्बा, गौतमबुद्ध लामा ठूली गोले हुनुहन्छ भने युवासंघका भाईहरु छन् । 

हाम्रो मुलुक बहुभाषी, वहुधर्मी, बहुसंस्कृति भएको मुलुक हो । हामीले विविधतामा एकताका साथ अघि बढ्नुपर्छ । सबै समुदायसंग विशेष सम्वन्ध राखेर एकरुपताका साथ अघि बढ्नुपर्छ । 

विगतमा राजनीतक नियुत्तिहरु संस्थागत निर्णयका आधारमा नभएको गुनासो छ, अब पनि जसका हातमा डाडु पन्यौं छ, उसैले तर मार्ने त होला नी ?

होइन, अब कदापि त्यस्तो हुँदैन वितमा जिल्ला पार्टीले मुनु सिग्देललाई हेटौंडा अस्पताल  विकास समितिको अध्यक्षमा सिफारिस ग¥यो, सुनीलजी केन्द्रको पहुँचका आधारमा बन्नुभयो । सुकुम्बाशी समस्या समाधान आयोगमा २ नम्मरबाट ठाकुरराम खड्का र मिना लामाके शिफारिश गरियो, पार्वतीजी बन्नुभयो । जिल्ला खेलकुद विकास समितिमा एकलाल कमरेडलाई शिफरीश गरियो तर केन्द्रबाट माधवजीको ना मसदर भयो सय सबै प्रवृती गलत छन् । आगामी दिनमा यस्तो हुँदैन ।

र अर्को कुरा कार्यकर्ता तथा नेता साथीहरुमा पनि सहिष्णुता हुन भने जरुरी हुन्छ । महाधिवेशनको मुखमा हेटौंडा आउनुभएका पार्टीका वरिष्ठ नेता, लामो समय पार्टी हाँक्नु भएका पूर्व महासचिव र पूर्व प्रधानमन्त्री माधवकुमार नेपाललाई कार्यालय छिर्न नदिने र ‘मैले चिन्दिन, को हो माधव नेपाल’ भनेर एफएमहरुमा अन्तरवार्ता दिने काम चाँहि हाम्रा साथीहरुले अब रो्क्नुपर्छ । यस्तो प्रवृतिले उहाँहरुका्े कदापि भलो गर्दैन भन्ने त विगतको परिणमले नै देखाइसक्यो । 

जिल्ला पार्टीले जनतालाई अब के कुरामा आश्वस्त पार्न चाहन्छ त ?

हामी हाम्रा कार्यकर्ताको बलमा आम जनताको समेत मन जितेर अघि बढ्छौं । गत संविधानसभामा अलिकति सावधानी नपुग्दा र एमालेकै थोरै अन्तरविरोधका कारण १ नम्मर क्षेत्र गुमेको हो । ३ वटा क्षेत्र हाम्रो छँदैछ । आगामी चुनावमा चारै क्षेत्र तथा स्थानीय निकाय समेत एमालेले विजय गर्ने गरी अगाडी बढ्नेछ ।

 विगतको हिसाब किताव गरेर क्षतीपूर्ती गर्ने बेला यही हो । त्यसैले हामी  आम जनतालाई पनि दायाँ बायाँ भौतारिनुभन्दा एमालेको झण्डामा गोलबन्द हुन आग्रह गर्छौ । राष्ट्रिय राजनीतिको मियो र पार्टीहरुबीचको पनि नेता पार्टी हुनुको नाताले अब एमालेको विकल्प छैन । 

वर्तमान सरकारको कदम कस्तो लागिरहेको छ ?

सरकारले जनतालाई पर्याप्त राहत हुनेगरी काम गर्न सकेको छैन । जनता कालोबजारी, अभाव र अनियमितताको चपेटामा रहेको बेला न सरकारले सहज आपुर्तीको अन्य विकल्प खोज्न सकेको छ त न आएको समान नै न्यायोचित वितरयाको आधारमा जनतासम्म पु¥याउन सकेको छ । 

जनताले यो सरकारबाट कति सम्म अपेक्षा गर्न मिल्छ ?

साततिर मुख फर्किएका सातथरी दललाई समेटेर बनेको वर्तमान सरकार आफैंको जग खासै बलियो छैन । नेपालीले आफ्नो संविधान आफैं जारी गरे र भारतको स्वार्थहरु त्यसमा घुसाइएन भनेर भारतले नाकाबन्दी लगाइरहेकै बीचमा राष्ट्रिय स्वाधिनता पक्षधरहरुको अस्थायी र तत्कालिन एकताले यो सरकार बनेको हो । 

त्यसैले धेरै ठूलो अपेक्षा यसबाट नगरौं । तर नियमित कामका साथै आपुर्तीको भरपर्दो विकल्प र जारी संविधान कार्यान्वयनको चरणमा गयो भने पनि मुलुक एउटा लिकमा जान्छ । 









0 comments

Write Down Your Responses

pfizer vaccine