हेटौंडा,१० जेठ / मकवानपुरको सुकौरा गाविसमा सोमबार भएको घुम्ती शिविरमा ९१ जना महिलाले स्वास्थ्य परिक्षण गराएका छन् । महिलाको प्रजनन स्वास्थ्य सम्बन्धी भएको एकदिने घुम्ती शिविरमा आर्थिक अवस्था कमजोर भएका महिलाहरुले स्वास्थ्य लाभ लिएका हुन् ।
सुकौरा गाविसको आयोजना, शिवम सिमेन्टस् प्रालीको सहयोग तथा युएसएड साझेदारी विकास परियोजना अन्तर्गत महिला बालबालिका तथा वातावरण सूधार केन्द्र ९ओचिन० मकवानपुर, हेटौंडा अस्पतालको समन्वयमा शिविर भएको हो । शिविरमा निशुल्क स्वास्थ्य परिक्षण गर्नुका साथै औषधि वितरण गरिएको थियो । शिविरमा महिलाको आङ खस्ने समस्या एवम् पाठेघर सम्बन्धी समस्याको परिक्षण गरिएको थियो । शिविरमा हेटौंडा अस्पतालका स्त्री रोग विशेषज्ञ डा. राघवेन्द्र ठाकुरले स्वास्थ्य परिक्षण गरेका थिए ।

    पाठेघरमा ट्युमर पलाएका र आङ खस्ने समस्या भएका २ जनालाई भने शल्यक्रियाका लागि हेटौंडा अस्पताल रिफर गरिएको छ । गाविस सचिव दिनेश लम्साल, ओचिन मकवानपुरका कार्यकारी निर्देशक उद्धव बानिया“, साझेदारी विकास परियोजनाका प्रमिला सिं, शिवम सिमेन्ट्सका खडक तुम्सिङ्, स्थानीय समाजसेवी प्रतिमान रुम्बा, लगायत स्थानीय महिला स्वयमसेविकाहरुको  सहभागिता रहेको थियो ।
आर्थिक अवस्था कमजोर भई प्रजनन स्वास्थ्य समस्याबाट पीडित भएका महिलाहरुलाई लक्षित गरी घुम्ती शिविर आयोजना गरेको ओचिन मकवानपुरका कार्यकारी निर्देशक उद्धव बानिया“ले बताउनुभयो । आईतबार भैंसे गाविस घुम्ती शिविर सम्पन्न भएको थियो । आज मंगलबार बुढीचौर गाविसमा शिविर हुने बताइएको छ ।