Powered by Blogger.
बसले च्यापिएर सहचालकको मृत्यु

मनहरी,१७ जेठ / मनहरी–३ स्थित बसपार्कमा बसले च्यापिएर सहचालकको मृत्यु भएको छ । आज दिउँसो पौने ५ बजेको समयमा मनहरी–कालिकाटार चल्ने ना २ ख ५०२ नम्बरको बस पल्टिँदा च्यापिएर सहचालक कालिकाटार–१ का १८ बर्षीय बिष्णु चेपाङको घटनास्थल मै मृत्यु भएको मकवानपुर प्रहरीले जनाएको छ । मकवानपुर प्रहरी प्रवक्ता डिएसपी बामदेव गौतमले सहचालक चेपाङले बस मोड्ने क्रममा पल्टिएको बताउनुभयो । बसको चालक फरार रहेको र खोजी कार्य भैरहेको उहाले बताउनुभयो ।
 मृतक चेपाङको शव पोष्टमार्टमको हेटौँडा अस्पताल ल्याइएको प्रहरीले जनाएको छ । मनहरी खोला हुँदै बस चल्ने मनहरी–कालिकाटार सडकखण्डको रुट पर्मिट समेत नरहेको यातायात व्यवस्था कार्यालय हेटौँडाले जनाएको छ । विश्व धुम्रपान विरुद्धको दिवसको अवसरमा हर्ट फाउण्डेसन नेपाल र नेपाल अर्बुद रोग निवारण संस्थाको संयुक्त आयोजनामा भोली हेटौँडामा जनचेतनामुल ¥याली गरिने भएको छ । भोली बिहान ७ बजे पल्पसा सभाहलबाट सुरु हुने ¥यालीमा सहभागी हुन नगरबासी तथा संघ संस्थाका प्रमुख तथा प्रतिनिधिहरुलाई कार्यक्रम संयोजक सपना कँडेलले अनुरोध गर्नुभएको छ ।

0 comments

Write Down Your Responses