नेपाली किसानहरुको समस्या र कृषि क्रान्ति विषयक अन्तरक्रिया
हेटौंडा, २६ बैशाख / “नेपाली किसानहरुको समस्या र कृषि क्रान्ति” विषयक अन्तरक्रिया आज हेटौडामा सम्पन्न भएको छ । अखिल नेपाल किसान महासंघ (क्रान्तिकारी), जिल्ला समिति मकवानपुरले आयोजना गरेको अन्तरक्रिया कार्यक्रममा किसानहरुले अहिले सम्म भोग्दै आएको राष्ट्रिय तथा स्थानीय समस्याहरुको बारेमा छलफल गरिएको थियो । महासंघको केन्द्रीय महाधिवेशनको पूर्वसन्ध्यामा किसानको समस्याको बारेमा तथा उठाउनुपर्ने विषयहरुलाई निचोडको रुपमा प्रस्तुत गर्न कार्यक्रम आयोजना गरिएको महासंघका जिल्ला अध्यक्ष यज्ञ तिमल्सिनाले जानकारी दिनुभयो । माओवादी निकट बुद्धिजिवि डा.सम्राट तुम्बाहाङ्फेले नेपाली किसानहरुको समस्या र कृषि क्रान्तिबारे अवधारणा पत्र प्रस्तुत गर्नुभएको थियो । मकवानपुरमा सुकुम्बासी समस्या, कृषिमा स्रोत साधनको अभाव, कृषि क्षेत्र निर्वाहमुखी र परम्परागत शैलीको नभई व्यवसायीक बनाउन, सरकारले सहुलियत व्याजदरमा ऋण उपलब्ध गराइदिनुपर्ने, अनुदानको व्यवस्था गर्नु पर्ने, किसानको वर्गिकरण गर्नु पर्ने, जस्ता विषयमा छलफल भएको थियो ।
0 comments
Write Down Your Responses