स्कूल तर्फको विजेतालाइ २५ हजार, कलेज तर्फको विजेतालाइ ३५ हजार र खुल्ला तर्फको विजेतालाइ ५० हजार नगद पुरस्कार प्रदान गरिने चलचित्रका प्रोमोसनको जिम्मा लिएका अमृत कोइरालाले बताउनुभयो । चित्रकलाको ऐतिहासिक महत्व एवम् कला संस्कृतिको जगेर्नामा चित्रकलाको भूमिकालाई ध्यानमा राख्दै प्रतियोगिताको आयोजना गर्न लागिएको उनको भनाई छ । सम्वन्धको बिषयमा बनेको चलचित्र बटवाल इन्टरटेन्मेन्टको ब्यानरमा बनेको हो । ८० लाखको लगानीमा निर्माण भएको चलचित्रमा होस्टेल रिटन्र्सका स्टार नाजिर हुसेन, अभय बराल, नम्रता श्रेष्ठलगायको अभिनय रहेको चलचित्र गा“ठो यसअघि मौन र होस्टेल रिटन्र्सलाई निर्देशन गरिसकेका सुरज भुषालले निर्देशन गरेका हुन् । चलचित्र पत्रकार संघ मकवानपुर कोषाध्यक्ष कपिल खड्काको अध्यक्षतामा भएको कार्यक्रममा चलचित्र विकास बोर्डका केन्द्रीय सदस्य एवम् एफडी बोर्डका अध्यक्ष नरेन्द्र महर्जन,पत्रकार महासंघ मकवानपुरका सचिव कृष्णसारु मगर, नेपाल बुद्धिचाल संघ मकवानपुरका केन्द्रीय सचिव धर्म लामा, टिभिएस शोरुम मकवानपुरका सुजित बानियाँ लगायतको आतिथ्यता रहेको थियो ।