मउवासंघले महोत्सव सार्न आग्रह गर्यो
 |
| फाइल तस्विर |
हेटौडा, ३ भाद्र । मकवानपुर उद्योग वाणिज्य संघले उद्योग संघ मकवानपुरको आयोजनामा भाद्र २९ बाट आश्विन ९ गते सम्म हुन गई रहेको औद्योगिक प्रदर्शनी तथा दशैं महोत्सवलाई दशैं तिहार पछि मात्रै सो महोत्सव गर्न आग्रह गरेकोछ । संघका अध्यक्ष राजकुमार न्यौपानेको अध्यक्षतामा आज संघको सभा हलमा विभिन्न वस्तुगत संघका प्रमुख तथा प्रतिनिधिहरुका वीच भएको छलफल तथा अन्तक्र्रिया कार्यक्रममा वस्तुगत संघले चाडवाडको समयमा सन्तोषजनक व्यापार हुने तर व्यापार व्यवसाय हुने समयमा नै महोत्सव आयोजना गरिन लागेकोले यसबाट प्रत्यक्ष रुपमा स्थानीय व्यवसायीलाई नै प्रत्यक्ष असर पुग्ने भएकोले महोत्सवको समय तालिकालाई दशै तिहार पछि राख्न मउवासंघ मार्फत आग्रह गरेका थिए । छलफल कार्यक्रममा बोल्दै अध्यक्ष न्यौपानेले व्यवसायीको तर्फबाट आएको मागलाई संघले गम्भीर रुपले लिएको बताउनुभयो । अध्यक्ष न्यौपानेले आफू व्यवसायीकै हकहितका लागि नेतृत्वमा आएकोले व्यवसायी संघहरुको धारणालाई सम्बन्धित स्थानमा पुर्याउने प्रतिबद्धता व्यक्त गर्नु भयो ।
वस्तुगत संघ पछि यसै विषयमा छलफलका लागि अध्यक्ष न्यौपानेले तत्काल आज नै संघको कार्य समितिको समेत बैठक डाक्नुभएको थियो । छलफलमा कार्य समितिका सदस्यहरुले व्यवसायीहरुको मागलाई संघले सम्मान गर्नुपर्ने धारणा व्यक्त गरेका थिए । सबैको एकै किसिमको धारणा पश्चात आयोजक उद्योग संघलाई महोत्सव समय तालिकामा पुनर्विचारका लागि मकवानपुर उद्योग वाणिज्य संघले आज पत्राचार समेत गरेकोछ । कार्यक्रममा कार्य समितिका पदाधिकारी तथा सदस्यहरुको सहभागिता रहेको थियो ।
विभिन्न सञ्चार माध्यमबाट चाडवाड अघि गरिन लागेको महोत्सवले व्यवसायीहरुलाई असर पुग्ने कुरा व्यक्त गरेपछि मउवासंघले छलफल आयोजना गरेको थियो । छलफलमा मकवानपुरे व्यवसायी महोत्सवको विरोधि नरहेको तर समयानुकुल मात्रै नभएको कुरा बताएका थिए । दशैं तिहार पछि महोत्सव आयोजना गरेमा आफूहरुको पूर्ण समर्थन, सहयोग र महोत्सवमा सहभागिता समेत हुने धारणा व्यक्त गरेका थिए ।
0 comments
Write Down Your Responses