पालुङ जेसिजद्धारा रक्तदान
पालुङ, १४ भदौ । ‘रक्तदान नै जीवनदान’ भन्ने नाराका साथ पालुङ जेसीजद्वारा आयोजना गरिएको रक्तदान कार्यक्रममा ५ महिला सहित ५९ जनाले रक्तदान गरेका छन् ।
मंगलबार थाहा नगरपालिका स्थित ओखरबजारमा पालुङ जेसीजले भरत रत्न जेहेन्दार छात्रवृत्ति वितरण तथा रक्तदान कार्यक्रमको आयोजना गरिएको थियो । जेसीजका अध्यक्ष शिवकुमार खत्रीको सभाध्यक्ष तथा थाहानगर उद्योग वाणिज्य संघका अध्यक्ष कविराज खत्रीको प्रमुख आतिथ्यता भएको कार्यक्रममा पालुङ जेसीज वर्ष २००८ का अध्यक्ष भरत गोपालीको सहयोगमा थाहा नगरका मत्स्य नारायण मावि, जनकल्याण उच्च मावि, झम्केश्वरी मावि, सुनौला मावि र बज्रवाराही माविका १० जना गरिब तथा जेहेन्दार विद्यार्थीहरुलाई छात्रवृत्ति वितरण गरिएको थियो ।
उक्त कार्यक्रममा नेपाल रेडक्रस सोसाइटीका निर्देशक मनिता राजकर्णिकारले रक्तदान सम्वन्धी जानकारी मूलक सन्देश दिएका थिए ।
0 comments
Write Down Your Responses