NEWS, SOCIETY » एक जना शिक्षकको भरमा १ सय ३८ जना विद्यार्थी

मकवानपुर, १९ फाल्गुन / हाँडीखोला–७ स्थित चेपाङ प्रा.वि.को काठमाडौका केही संघ संस्थाले गरेको अध्ययन अवलोकनका क्रममा १ जना शिक्षकले मात्र विद्यालय चलाउन बाध्य भएको कुरा जानकारी प्राप्त भएको छ ।

कक्षा १ देखि ५ कक्षा सम्म पढाई हुने विद्यालयमा हाल चेपाङ जातिका १ सय ३८ जना विद्यार्थी अध्ययन गरिरहेको विद्यालयका प्र.अ. राजेन्द्र न्यौपानेले बताए । विद्यालयमा आज सम्म १ जना शिक्षकको भरमा कक्षा संचालन गर्नुपरेको गुनासो समेत न्यौपानेको छ । पूर्वाधारको समस्या त छँदैछ, विद्यालयमा दरबन्दी माग्दा पनि आजसम्म नपाइएको र एक जनाकै भरमा विद्यालय संचालन गर्नुपरेको उहाँले बताउनुभयो ।

विद्यालयको पूर्वाधार, गुणस्तरिय शिक्षा लगायतको विविध पक्षमा सहयोग पुराउने उदेश्यले अवलोकन गरिएको समाजसेवी कमलचन्द्र सुमनले बताए ।

0 comments

Write Down Your Responses