सञ्चार केन्द्र नेपाल औपचारिक रुपमा सुरु
![](https://blogger.googleusercontent.com/img/b/R29vZ2xl/AVvXsEjTcoZUHj8JiHrA5jU_AA9XXtKwMsfq-a9XT1f8XITIL_0au32LZeByJuG9Zo8fkhB7-n5Z3CY1-OktbJhucrJMeTBp1tBxzuEZOEpAHtBaUO6MhWsyHR-A8AQg1sGH4V4qa4OiDS0d2D0/s640/_DSC5779.jpg)
काठमाडौं । सुचना तथा सञ्चारमन्त्री मोहनबहादुर बस्नेतले सञ्चार क्षेत्रको विकासका लागि आफूले नमुना काम गर्ने दृढता राखेका छन् । उनले त्यसका लागि सञ्चार माध्यमसँगै सहकार्य गर्ने र आपसी संवादले यस क्षेत्रका वर्तमान समस्या हल गर्ने समेत बताए ।
‘अनुकरणीय काम गर्नका लागि यो मलाई अवसर हो’, राजधानीको विजुलीबजारस्थित तराई विकास तथा सञ्चार केन्द्र नेपालले सञ्चालनमा ल्याएको सञ्चार केन्द्र नेपालमा आयोजना भएको एक अन्र्तक्रियामा मन्त्री बस्नेतले भने ।
उनले आफू ‘एक्सन’ मा जान मनपराउने शैलीको जनाउ दिंदै मुलुक र सञ्चार जगतका लागि मात्र नभै आफ्नै भविष्यका लागि पनि नमुना काम गर्ने दोर्होयाएका थिए । ‘कतिपय कुरा सिक्दै छु । विज्ञ पत्रकारद्वारा म सल्लाह पनि लिंदैछु’, उनले भने । उनले आगामी निर्वाचनमा सञ्चारमाध्यमले सत्य, सन्तुलित र स्वतन्त्र भूमिका देखाई सहयोग गर्न आग्रह समेत गरे ।
कार्यक्रममा नेपाल पत्रकार महासंघका अध्यक्ष डा.महेन्द्र विष्टले संविधानको सही कार्यान्वयनका लागि प्रदेश र संघीय निर्वाचन समयमै हुनुपर्नेतर्फ सरकारको ध्यान पुग्नुपर्ने बताए । ‘हाम्रो तर्फबाट चुनाव सफल बनाउन रचनात्मक भूमिका हुनेछ’, विष्टले भने ।
एमालेका केन्द्रीय सदस्य एवं प्रचार विभाग उपप्रमुख सूर्य थापाले तराई आन्दोलनका क्रममा कतिपय मिडिया दुरुपयोग भएका र आन्दोलनलाई अतिरञ्जित बनाइएकोले त्यसतर्फ सजग हुनुपर्ने धारणा राखे ।
प्रेस युनियनका नेता दामोदर दवाडी, प्रेस सेन्टरका निवर्तमान अध्यक्ष गोविन्द आचार्य, तराई विकास तथा सञ्चार केन्द्रको सञ्चालित सञ्चार केन्द्रका अध्यक्ष गोविन्द प्रसाद चौलागाईंसहितले चुनावमा सञ्चारमाध्यमको भूमिकाबारे बोलेका थिए ।
कार्यक्रममा सयौँ वरिष्ठ पत्रकारहरुको सहभागिता रहेको थियो । सहभागि भएका पत्रकारहरुले आगामी निर्वाचनका बारेमा सञ्चारकर्मीहरुले कसरी आफ्नो भूमिका निर्वाह गर्नुपर्छ भन्ने विषयमा आफ्नो धारणा राखेका थिए ।
![](https://blogger.googleusercontent.com/img/b/R29vZ2xl/AVvXsEgx1UNKGCKSQeGw1FA6BS2dlEXK7fjtIBDE9sDhmk8bzWAaPOyv6BfylbUfpuTP7cBQSqhd85dnnTZTbLI6cFp4Dl4WnJami-0wSsAEudYf46X62-hHNVMsJ93KrtnJGuSMbAuhAtZ-bbw/s640/with+sanchar+mantri.jpg)
0 comments
Write Down Your Responses