लोकतान्त्रिक आदिवाशीको पर्यटन तथा उद्योग विभाग विस्तार
![](https://blogger.googleusercontent.com/img/b/R29vZ2xl/AVvXsEgq35dUyixe38TKbWihgTyAiDh2O19b_i0IDB7TPbBxdWhKmPngwJtc_VeZ4YDVQkB6m1YPymIGtJx6CifpDaoK6l_9zE2rjHXVaU1WogZvXO6m7DR-kIWVkavo_6_Y5UrhMoz-IlBPiOk/s640/bal+jee1.jpg)
काठमाडौं । नेकपा एमाले निकट आदिवाशी जनजातीहरुको छाता संगठन नेपाल लोकतान्त्रिक आदिवाशी जनजाती महासंघको पर्यटन तथा उद्योग विभाग विस्तार भएको छ ।
शनिबार राजधानीमा विभागका प्रमुख तथा केन्द्रीय सचिव रामचन्द्र बलको अध्यक्षतामा भएको बैठकले विभाग विस्तार गरेको छ ।
महासंघका महासचिव परशु मेघी गुरुङको प्रमुख आतिथ्यतामा सम्पन्न बैठकले विभागलाई १५ सदस्यीय आकारमा पूर्णता दिँदै सचिव समेत चयन गरेको हो । सो विभागको सचिवमा दर्शनकुमार तामाङ रहेका छन् भने सदस्यहरुमा गोपाल ब्लोन, हेमकुमार थिङ, अशोक लामा, हिरालाल थिङ, बिना राई, जंगबहादुर गुरुङ रहेका छन् । यसैगरी अन्य सदस्यहरुमा आङलमी शेर्पा, पामा शेरप लामा, बलबहादुर ऐडी, धनबहादुर श्रेष्ठ, छिरीङ क्याप, फुर्वा लामा, मिङमार लामा र किरणमान बल रहेका छन् ।
सो बैठकमा महासंघका सचिव देवराज राई, प्रेस चौतारीका केन्द्रीय सदस्य शन्तराम बिडारी तथा महासंघका केन्द्रीय सदस्यहरु डोल्मा तामाङ , युवराज जिरेल लगायतको उपस्थिति रहेको थियो ।
विभागले केही दिन भित्रै महासंघका अध्यक्ष पृथ्वी सुब्बा गुरुङ ४ नम्बर प्रदेशको मुख्यमन्त्री भएकोमा उहाँ लगायत अन्य पदाधिकारीहरुको सम्मानमा बधाई ज्ञापन गर्न एक भव्य कार्यक्रम आयोजना गर्ने निर्णय गरेको छ ।
सो विभागले उद्योग तथा पर्यटन क्षेत्रमा योजना बनाएर विविध कार्यक्रम अघि सार्ने विभागका प्रमुख रामचन्द्र बलले जानकारी दिए ।
![](https://blogger.googleusercontent.com/img/b/R29vZ2xl/AVvXsEhGIQzpYCovKFRpHUx8BjoN9mb1UO54zLpL6kMREI_UpPZikWHNxGGKAtG4kvm20riRoBACJXyhTXqOwfME6DybRA7b4WvwVlORxYGW9E4qrqfTz-3NNNEC9LsH1Pv_AWxNvjpfjJcUc9E/s640/bal+jee2.jpg)
![](https://blogger.googleusercontent.com/img/b/R29vZ2xl/AVvXsEgcE_NjKZi83hBBgk9T-YRP3CcMz7WMEJBVHGsDoGx7cC8f_oBpqUxbDITK1fEChru-9sH0yXq7z0tl7ONYMaO1Oag94ociUX-ZilWhWpJScgzGSkdqHMRqKl6FTMPKhS0PZW9xSgLhlX4/s640/bal+ee3.jpg)
0 comments
Write Down Your Responses