विकासका लागि पर्यटन र कृषिमै जोड दिएका छौं

किरणमान बल, वडा अध्यक्ष, थाहा नगरपालिका वडा नं. ११ ,मकवानपुर

थाहा नगरपालिका वडा नम्बर ११ को अध्यक्ष भएपछि त्यहाँको विकास निर्माणलाई कसरी अगाडि बढाउनुभएको छ ?

म थाहा नगरपालिका वडा ११ को अध्यक्ष भए यता त्यो वडा समृद्ध वडा बनाउनको लागि विकासका बिभिन्न योजना अगाडि बढाएका छौं । हामीले जहाँ धेरै समस्या छ त्यहि आधारलाई लिएर कार्ययोजना बनाएका छौं । हामीले वडाको मुहार फेर्ने हिसावले विकास कार्यलाई अगाडि बढाएका छौं ।

त्यही बमोजिम हामीले काम गराई रहेका छौं । वर्षभरि नै सवारी साधन चल्ने गरी सडक निर्माण गरेका छौ । कृषि क्षेत्रमा पनि आधुनिकीरणमा अगाडि बढाइरहेका छौ । यस ठाउँलाई सबैले घुम्ने चर्चित ठाउँ बनाउनु पर्छ भनेर चिया बगान सुरु गर्ने तयारी गरिरहेका छौ ।

इलाममा चिया बगान हुनछ भने त्यही हावापानीको हाम्रो थाहानगरपालिका ११ मा नहुने भन्ने छैन । त्यसको सम्भाव्यताको लागि केन्द्रबाट वरिष्ठ व्यक्तित्व र विज्ञहरु आएर अध्ययन भएको छ । यस्तै हामीले नगरस्थीत वडाको धेरै जनतालाई प्रभाव गर्ने गरि नगरस्तीय सडक सञ्जाललाई पनि अगाडि बढाएका छौ । यो ठाउँमा रहेका बिभिन्न पार्कहरुमा सडक जोड्ने , विकास गर्ने योजना बनाई रहेका छौ ।

त्यसको लागि बजेट बिनियोजनको काम अगाडि बढीसकेको छ । साना तिना काम संगै अब हामीले नगर भैसकेपछि ‘एक घर एक धारा’ बनाउनु पर्छ भनेर नमुनाको रुपमा चित्रे मालागीरि खाने पानी उपभोत्ता समिति गठन गरि केहि संस्थाहरुको सहयोगमा र नगरपालिकाको सहजिकरणमा त्यो काम भैरहेको छ । साथै यस नगरभित्र रहेका १३ वटा बिद्यालय छन् तर उच्चमावि सम्म एक बिद्यालय पनि छैन ।

अबका दिनमा हामीले उच्चमावि सम्म अध्ययन हुने गरि उच्चममावि बिद्यालय बनाउने तयारी अगाडि बढाएका छौं । थाहा नगरपालिकामा प्राबिधिक बिद्यालय खोल्ने तयारी गरिसकेका छौ । ११ नम्बर वडामा पशु बिज्ञान प्रतिष्ठान खोल्ने र यस क्षेत्रको विकास गर्ने गरि काम भैरहेको अवस्था छ ।

तपाईले चुनावको बेला जनताको सामु गरेका प्रतिबद्धताहरु के भैरहेका छन, कहाँ पुगे ति प्रतिबद्धताहरु ?

निर्वाचनको बेलामा मैले जनता सामु जुन विषयलाई लिएर गएको थिए, ति विषय अगाडि बढि सकेको अवस्था छ । केहि अगाडि बढ्ने क्रममा रहेका छन् ।

रोजगारको सवालमा हामीले सहि संस्था नेपाल संग समन्वय गरि ४३ जनालाई बिभिन्न सिपमुलक तालिम दिएका छौ । ती सिपमुलक तालिम दिएकाहरुलाई यस वषै देखि रोजगारमा अगाडि बढाउनु पर्छ ।

यो ठाउँका युवाहरुको अहिले सम्मको रोजगारी भनेको ड्राइभिङ पेशा हो । अब यहाँका युवाहरुलाई फरक सिपमुलक तालिम दिएर नयाँ रोजगारमा अगाडि बढाउनु पर्छ भन्ने उद्देश्यले हामीले बिभिन्न सिपमुलक तालिम दिएका छौ । महिलाको निम्ति, युवाको लागि स्वरोजगार तालिम दिएर रोजगार बनाउने हाम्रो लक्ष्य रहेको छ ।

हामीले सिपमुलक तालिम दिएकाहरुलाई प्राबिधिक सामाग्री दिने तयारी गरिरहेका छौ । नगरको बिभिन्न ठाउँमा कृषिको धेरै समस्या थियो । त्यसलाई मध्य नजर गर्दै आधुनिककरणमा अगाडि बढाउनु पर्छ । त्यसैले प्रधानमन्त्री आधुनिककरणी कार्यक्रम अन्तर्गत कृषिमा समावेश गराएर कृषकहरुलाई धेरै लाभ पुग्ने गरि काम अगाडि बढाई रहेको अवस्था छ । निर्माण तथा विकासका कामलाई तिब्रता दिएका छौं । ती कामहरु अहिले तिब्र गतिमा भैरहेका छन् । सबै जनसामुदायहरुबाट राम्रै काम गरि रहेको छ भन्ने सुझाव पाइरहेको अवस्था छ । यसमा म धेरै खुसी छु ।

मैले जनताहरुलाई बिभिन्न समयमा विभिन्न सार्वजनिक सुनुवाइ मार्फत भन्ने गरेको छु कि केहि समय केहि सुझाव छन् भने मलाई खबर गर्नु होला । मैले बोलेको कुरा पुरा गर्दै गैरहेको छु ।

तपाई युवा पनि हुनुहुन्छ, विषेश गरि युवाहरुको लागि के योजना छन्, के के भैरहेको छ ?

युवाहरुको सन्र्दभमा हाम्रो थाहा नगरपालिकामा खेलकुदमा जोड दिएका छौं । हामीले खेलकुदलाई अगाडि बढाउनु पर्छ, यहाँका युवाहरु अभ्यासी हुनु पर्छ भन्ने ढंगले काम सुरुवात गरेका छौ । त्यो खेल मैदानमा अहिले यस्तो वर्षातको समयमा पनि खेलाडी साथीहरुले राम्रो बाजी मारि रहेका छन् ।

खेलाडि साथीहरु असाध्य खुसी छन् । यसमा थप सुधारको लागि त्यसलाई व्यवस्थीत ढंगले खेलमैदान अगाडि बढाउनको लागि हामीले बजेट विनियोजन गरेर काम अगाडि बढाएका छौं ।

एउटा खेलकुद समिति पनि गठन गरि सकेका छौ । खेलकुद विकास समिति नगरस्तीय पनि बनेको छ । त्यो समितिमा हाम्रो ११ वडाका युवाहरु पनि सदस्य रहने गरी गठन भएको छ । खेलकुद विकास समितिले अव कार्यक्रम सुरु गर्ने छ ।

यसले केहि नगरस्तीय वा विभिन्न खेलहरुमा थाहा ११ को सहभागिता हिजोका दिनहरुमा थिएन भने अव सहभागिता हुने भएको छ ।

महाभूकम्पको चपेटामा धेरै स्थानीय परे, त्यसको प्रभाव थाहा नगरपालिकामा पनि प¥यो, त्यो नगरभित्रको तपाईको वडा भित्रका लाभग्राहीहरुले आफनो किस्ता पाइसके कि के अवस्था छ ?

यस विषयमा म के भन्न चाहन्छु भने जे जति महाभूकुम्भले क्षति भएको छ ति लाभग्राहीहरुको बर्खामा पानीमा भिज्ने, हिउँदमा चिसोमा चिसिनु पर्ने अवस्था छ । यो समस्या हामीले छिटो भन्दा छिटो समाधान गराउनु पर्छ भन्ने ढंगले पीडितलाई घरको व्यवस्था मिलाउने गरि हामी लागि रहेको अवस्था छ ।

घर निर्माणमा खटिएका ईन्जिनियरहरुले नक्सा कोरेका ३५ दिन भित्र पैसा दिने गरि हामीले काम गरिरहेको अवस्था छ । र, फेरी जनताको गुनासोहरु आएको हुनाले थाहा ११ को पुनः गुनासो सम्बोधन भएर हामीले यही भदौ ३ गतेबाट फेरी २ सय जनाले सम्झौता गरेका छन् ।

एक लाखले हाम्रो घर बन्दैन, एक लाखको कुनै अर्थ छैन, मेरो घर भत्केको छ भन्ने लाभग्राहीलाई हामीले साउनमा जानकारी गराउन सुचना दिएका थियौं । अब एक लाख देखि ३ लाख सम्म जान चाहनेले निवेदन संकलन गर्ने गरेका छौ ।

अब २० गते सम्म त्यो निवेदनमा भएको कुरा सहि हो की होइन भनेर हामीले इन्जिनियरलाई खटाउछौं । त्यसपछि ईन्जिनियरले हेरबिचार गरिसकेपछि यसलाई निर्णय गरेर सम्वन्धीत जिल्ला देखि केन्द्रमा पठाउने गरि हामी लागि रहेका छौ ।

मेरो कार्यकालमा आएको रकम चाँडै निकास गर्ने, चाँडै घर बनाउने र सबै आफ्नै घर मुनि बसेको हेर्ने मेरो चाहना रहेको छ ।

तपाई नगरको पनि सामाजिक विकास समितिको संयोजक हुनुहुन्छ, त्यो हिसावले समग्र नगरको विकासको लागि कसरी समन्वय गरि रहनु भएको छ ?

सामाजिक विकास समन्वय समितिको संयोजकको नाताले जेष्ठ नागरिकहरुलाई यस वर्षबाट केहि पौष्टिक खाने कुरा एउटा लठ्ठी, कम्बल हामीले हाम्रो नगरपालिकाको १२ वटै वडामा वितरण गरेका छौ ।

र, अपाङ्ग भएका ब्यक्तिहरुको तथ्याङ संकलन गरि ५५ जनाकोलाई अपाङ्ग परिचय पत्र वितरण गरेका छौ । र, महिलाहरुलाई लक्षित गरि जस्तै लोक सेवा तयारी कक्षा, कम्प्युटर कक्षा, धुप बनाउने तालिम लगायतका कार्यक्रम गरि सकेका छौ ।

त्यस तालिमबाट सिप सिकेर महिलाहरु उद्यमी बनिसकेको र केहि आयआर्जन गर्न थालेको हामीले सुनेका छौ । सिपमूलक तालिम दिएकाहरलाई यस वर्षबाट प्राबिधिक सामाग्री दिने निर्णय सामाजिक समन्वयबाट पारित भैसकेको छ ।

सामाजिक विकास समितिले के ग¥यो भन्ने हो भने हामीले महिला, बालबालिकाको लागि अपाङ्ग र दतिलको लागि सिपमूलक तालिम दिएका छौ । त्यहि तालिमबाट अहिले नगरमै कोट पैन्ट सिलाउने दक्ष जनशक्ति उत्पादन भैरहेको छ ।

सामाजिक विकास समितिले यस्ता काम गरि रहेको अवस्था छ । आगामि दिनमा यो भन्दा पनि नयाँ सिपमूलक तालिम दिएर प्राबिधिक सामाग्री उपलब्ध गराएर रोजगारमा अगाडि बढाउने काम भैरहेको अवस्था छ ।

थाहा नगरपालिका कृषि र पर्यटनको लागि सम्भावना भएको ठाउँ हो पनि भनिन्छ, तपाईको वडामा रहेका पर्यटन कृषि सम्पदाको लागि के योजना बनाउनु भएको छ, कसरी काम गरि रहनु भएको छ ?

थाहा नगरपालिका वास्तवमा पर्यटन नगरि हो । कृषिको पनि पकेट क्षेत्र भएकोले ११ वडामा मेरो आफनो जिम्मेवारी भएको हुँदा मैले विषेश गरि धेरै काम ५ वर्षमा गर्न नसकेपनि कम्तीमा २, ३ वटा काम स्पष्ट देखिने गरि अगाडि बढाउन गैरहेको छौं ।

जस्तै एउटा चिया बगानको नर्सरीको का गर्दैछौं भने त्यहि बाट कृषकलाई केहि अनुदान रकम दिएर चियाका बोटहरु रोप्ने काम सुरु हुन्छ । अब सहकारी मार्फत धेरै भन्दा धेरै चिया बगान र ठाउँ सुन्दर ठाउँ बनिसकेपछि जसरी पर्यटक इलाम जान्छन् । त्यसरी नै यहाँ आँउछन् भन्ने मलाई बिश्वास छ ।

पर्यटनको हिसावले धेरै रोपनी जग्गा भएको मुलाबारी चौर र मनकामना मन्दीर रहेकोले यो क्षेत्रमा हामीले यस वर्ष सडकको ट्र्याक बनाउन सुरु गरेका छौं । त्यो ठाउँलाई नगरबाट प्राथामिकताका साथ राख्ने र त्यो ठाउँमा यो राष्ट्रमै नभएका कुरा राख्ने जस्तै एउटा विभुती पार्क निर्माण गर्ने क्रममा छौ ।

त्यो ठाउँमा तामाङ, नेवार लगायत बिभिन्न जातजातिको संग्राहलय, बिभुति पार्क, सिलालेख, शालिक निर्माण गर्न डिपीआर तयार गरेर अगाडि बढ्न गैरहेका छौ । हामी संग थुप्रै खोला नाला, नदि, झरना भएको हुनाले ढुंगाको रक गार्डेन बनाउन सकिने संम्भावना हामीले देखेका छौ ।

हाम्रोमा ठुला ठुला ढुंगाहरु छन् । एउटा ढुंगाको बगैचा निर्माण गरि जान सकिन्छ की भनेर हामीले अध्ययन गरिरहेका छौ ।

यस्तै मकवानपुर जिल्लाबाटै हिमाल देखिने साविकका २ वटा गाविस हुन् आग्रा र टिस्टुङ । त्यस कारणले हाम्रो टिस्टुङमा होम स्टे संचालनमा ल्याउने र पर्यटनलाई आकर्षण गर्ने संभावना प्रचुर छ ।

जस्तै लमजुङमा घलेगाउँमा जस्तो खालको विकास भैरहेको छ, हाम्रो थाहा नगरपालिकाको चित्लाङमा संभव छ भने हामी कहाँ नहुने कुरै छैन ।

त्यस कारणले होमस्टेका लागि तालिम संचालन गर्दै केहि घरमा सुरु भैसकेको अवस्था छ । मलाई लाग्छ, अब यहाँको पर्यटन अगाडि बढ्छ । तर यसमा के कुरो रह्यो भन्ने सुरक्षाको कुरो ।

सुरक्षाको दृष्टिकोणले अलि समस्या भएको ठाउँ भएकोले मैले बारम्बार नगरमा जिल्लामा पनि कुरा गरिरहेका छु । हाम्रो जिल्ला अरु जिल्लाबाट धेरै टाढा भएको हुनाले यो ठाउँमा प्रहरी चौकी स्थापना गर्नु पर्छ ।

यहाँ सुरक्षाको हिसावले पनि अब्बल छ भन्ने ढंगले लागेका छौ । त्यस कारणले कृषि पर्यटनमा थाहा नगरपालिका ११ वडालाई यसरी नै अगाडि बढाई रहेको अवस्था छ ।

वडावाशीलाई के भन्नु छ ?

थाहा नगरपालिका ११ नम्बर वडाका वासिन्दाले सकारात्मक सोच, सकरात्मक सहयोग जारी राख्नुभएको छ । थाहा ११ बालमैत्री छ । विवाद रहित छ ।

यसलाई सबै मिलेर शिक्षित वडा बनाउनुपर्छ । सबै नागरिकले यो कुरा बुझेर होस्टेमा हैंसे गरिदिनुहुन आग्रह गर्दछु ।