विधवा एवं एकल महिलाहरुद्धारा सञ्चालित सहकारी हेरचाहका लागि संरक्षण गृह बनाउने तयारीमा
![](https://blogger.googleusercontent.com/img/b/R29vZ2xl/AVvXsEhbAWKkhfEsGFDcTdzwNeO_sax4Uh2TYCJREdjZvOkoBMldKaw_rdziiJjeXxPFNOywppd5as6DpnCzvVIXnX3YxRpUjZUhzGezEEIcU7EcP8eKeh094dity5TXGDPufcflR1Aae1URHmU/s640/20180828_095733.jpg)
काठमाडौं । विधवा एवं एकल महिलाहरुद्धारा सञ्चालित कृषि सहकारी संस्थाले वृद्धवृद्धाहरुलाई संरक्षण र हेरचाहका लागि संरक्षण गृह बनाउने भएको छ ।
दक्षिणकाली–१२ फर्पिङमा ३ वर्ष अघि एकल महिलाहरुले स्थापना गरेको एक सहकारी संस्थाले यस्तो अवधारणा अघि सारेको हो ।
संस्थाको तेस्रो साधारणसभाको तयारी हुँदै गर्दा विभिन्न निकायहरुसंग समन्वय गरि हेरचाह केन्द्र बनाउने अवधारणा अघि सारिएको हो । संस्थाले जग्गाको समेत खोजी गरिसकेको र आगामी साधारणसभाबाट यो विषय पारित गरि काम अघि बढाइने अध्यक्ष टोकला तामाङले जानकारी दिनुभयो ।
सो विधवा एवं एकल महिला साना किसान कृषि सहकारी संस्थामा अहिले फर्पिङ क्षेत्रका एकल तथा विधवाहरुमात्र गरी जम्मा एक सय २६ जना शेयर सदस्य छन् । जसमध्ये ६० प्रतिशत महिलाहरु काम गर्न सक्ने र ४० प्रतिशत काम गर्न नसक्ने भएको बताइएको छ ।
![](https://blogger.googleusercontent.com/img/b/R29vZ2xl/AVvXsEhj5iv9V8eJSzGkW4oxCO-8FjonqDjvpQ7V0W60TtT30BCsXYwgJ09XTBqQ8-4rarf2Mo9YS0LVCWRe27iLzIzDovduBBuEqSvZ6lTUljQ9vTKIC1Y9-g51BjaNTztib6Gh_p_snJHHCJ0/s640/20180828_094134.jpg)
२०७२ फागुन २० गते स्थापना भएको संस्थाले यही भदौ ३० गते भूमि व्यवस्था, सहकारी तथा गरिवी निवारण मन्त्री पद्मा अर्यालको प्रमुख आतिथ्यतामा तेस्रो साधारणसभा भव्य रुपमा सम्पन्न गर्ने तयारी थालेको छ ।
उक्त सहकारीले आफ्ना सदस्यहरुलाई डिभीजन सहकारी कार्यालय काठमाडौंबाट ३ दिवशीय प्रारम्भीक सहकारी तालिम, सांसद विकास कार्यक्रम अन्तर्गत ५ दिवसीय कृषि सम्वन्धी व्यावसायीक सीप विकास तालिम, केन्द्रीय प्रशिक्षण केन्द्रबाट ११ दिवसीय व्यवस्थापन तालिम लगायतका तालिमहरु सम्पन्न गरिसकेको जनाइएको छ ।
काठमाडौं जिल्लाभरी कार्यक्षेत्र रहेको सो सहकारीले राष्ट्रिय सहकारी बैंक, जिल्ला सहकारी संघ लगायतमा शेयर सदस्यको हैसियत पाएको छ भने कृषि विकास बैंक र राष्ट्रिय सहकारी बैंकका खाता खोलेको छ ।
![](https://blogger.googleusercontent.com/img/b/R29vZ2xl/AVvXsEjE5wvaJsIHwPFBOnLWL_LYIept1ZrMLUPO28BhShrZJtTpJfFDc4AIO98oBAl9g1mK7JTw4B3-bDyuqbmqSRLtvY3EIM22DPCJfdWR6OoVKH9D2RI1sOGnHu26o7cH1qjVYxVQ20ctn-s/s640/20180811_145331.jpg)
संस्थाले आफ्नो शेयर सदस्यहरु ५ सय ३ जना पु¥याउनुका साथै शेयर पुँजी वृद्धि गर्ने, सरल व्याजदरको कर्जा लिने, व्यावसायिक तालिम सञ्चालन गर्ने र विधवाहरुको हितका लागि विभिन्न कार्यक्रम अघि साने अध्यक्ष टोकला तामाङको भनाई छ ।
![](https://blogger.googleusercontent.com/img/b/R29vZ2xl/AVvXsEiaMaBoT7bEF2mUCoxTUjoayDUI-92gXglJlS6ixB6WkyRLdf0paQ1aXOkHWS3itsH75jdSu2zassEOr87x__0xKsjD0XtJHqmR9kr3NKDmv2KavPFcyngF71LFjn2_pVLouV3tWs0d_4k/s640/20180830_104339.jpg)
![](https://blogger.googleusercontent.com/img/b/R29vZ2xl/AVvXsEiUvsh8x4dON80eZYQpgKwEwTyFACa7Gwfxh5GmY_OQBgdnkSHe4y-751mgXnK2r9ib0BYgYqTjCSffKp0OPjeMEE6ZWJCIouRXxc_XucT_TTXD_RkQ5F19J4oUC9vtKICehd4MC597x18/s640/20180828_095634.jpg)
0 comments
Write Down Your Responses