मिस नेपाल खतिवडाद्वारा कैलाश पालिकामा स्वास्थ्य शिविर,२ सय ७० जनाले पाए स्वास्थ्य सेवा

दाँत, जनरल, स्त्री तथा प्रसुती विशेषज्ञ सेवा दिइएको शिविरमा २ सय ७० जनाले स्वास्थ्य परिक्षण गराएका थिए । शिविरमा भरतपुर आँखा अस्पतालकी डा. पुष्पा गिरी, चुरेहिल अस्पतालका डा. सुन्दर श्रेष्ठ, मकवानपुर सहकारी अस्पतालका डा. राघवेन्द्र ठाकुर लगायतको स्वास्थ्यकर्मीले सेवा दिएका थिए।

‘पिछडिएका चेपाङ समुदायलाई स्वास्थ्य सेवा प्रदान गर्न थप सहयोग पुगोस् भनेर शिविर गरेकी हुँ’, उनले भनिन्, ‘ब्युटी विथ पर्पसका लागि स्वास्थ्य चौकीसँगै उपचार सेवा पनि महत्वपूर्ण हुन्छ।’
मिस नेपाल खतिवडाले रचनात्मक कार्य अन्तरगत विकट क्षेत्रका जनतालाई सेवा पु-याउने उद्देश्यले निर्माण अन्तिम चरणमा रहेको ६ कोठे स्वास्थ्य चौकी भवनमै शिविर आयोजना गरिएको हो । ४० लाख रुपैंया लागत खर्च लाग्ने अनुमान गरी स्वास्थ्य चौकी भवन निर्माण शुरु गरेपनि विकट क्षेत्र भएकाले निर्माण सामग्री ढुवानीमा धेरै खर्च लागेकाले खर्च बृद्धि हुने उनले बताइन्।

कार्यक्रममा मिस नेपाल खतिवडाकी बावु एवम् प्रतिनिधी सभा सांसद बिरोध खतिवडा, आमा एवम् प्रदेश सांसद मुनु सिग्देल, कैलाश गाउँपालिकाका अध्यक्ष टंक मुक्तान लगायतको सहभागिता रहेको थियो।
मिस वल्र्डको ब्युटी विथ पर्पस अर्थात् ‘उद्देश्यसहितको सौन्दर्य’का लागि चर्चित युट्युबर सिसन बानियाँको टोलीले कैलाश गाउँपालिका बसेर निर्माण गरिरहेको छ।
0 comments
Write Down Your Responses