टिस्टुङ महोत्सवका लागि बेहुली झैं सिँगारिँदै सरस्वती बजार
![](https://blogger.googleusercontent.com/img/b/R29vZ2xl/AVvXsEiRtoynZa-Wur_Ru95PFR1gGz3PXKCPPBqaBwjL1KCdgufveTHD71UVAXI8TIzrO4rLmrmFxldM-fnDMgk9VJXErjK7n6K1yR6BZFgfdX6O5eMppJBE9RgEV7rLGhsntpCSY8kWP8PqHDY/s640/43195895_1974566672605104_3103140577466646528_n.jpg)
बज्रवाराही (टिष्टुङ) । यही असोज २४ गतेबाट उत्तरी मकवानपुरको ऐतिहासिक उपत्यका टिष्टुङमा संचालन हुने प्रथम टिष्टुङ महोत्सव २०७५ को तयारी स्वरुप बज्रबाराही स्थित सरस्वती बजार सिंगारिएको छ ।
महोत्सवको लागि स्वागत द्वारहरुको निर्माण सहित बजार अहिले सिंगारिएको हो ।
टिष्टुङको सरस्वती बजारमा संचालन हुने महोत्सवका लागि तोरण तथा ध्वजापतकाले सिंगारिएको छ । महोत्सव स्थल प्रवेश गर्ने मुख्य मुख्य द्वारहरुमा स्थानीय प्रविधिबाट बाँसको गेट निर्माण गरिएको महोत्सवको गेट निर्माण उप समितिका संयोजक मनहरी भट्टले जानकारी दिए ।
महोत्सव क्षेत्रमा प्रवेश गर्ने विभिन्न ठाउँमा ५ वटा मुख्य प्रवेश द्वार निर्माण गरिने महोत्सव सचिवालय सदस्य प्रमोद जोशीले जानकारी दिए ।
महोत्सवको प्रदेश–३ का मुख्य मन्त्री डोरमणी पौडेलले उद्घाटन गर्ने कार्यक्रम रहेको महोत्सव मूल आयोजक समारोह समितिका संयोजक इन्द्र बहादुर श्रेष्ठले जानकारी दिए । महोत्सव असोज २४ गते विहान ११ बजे थाहा–६ को वडा कार्यालय प्राङ्गणमा उद्घाटन गरिने श्रेष्ठले जानकारी दिए ।
४ दिनसम्म संचालन हुने महोत्सवमा सहभागी हुन समितिका संयोजक श्रेष्ठले सबैलाई आग्रह गरेका छन् ।
![](https://blogger.googleusercontent.com/img/b/R29vZ2xl/AVvXsEjzLh3henepsHZXHwP2KrFcNxOCWlnxU5Bgw2cjcfozyNzDViPBXzr-QdqNkt2VoT5upyuW6i3RlnSKOKFjvicBrSEh-f77TpfKaJwb0rCe7M3Sxq1B2-PhBNoldPgVPu3pVDmiucgRTlQ/s640/43209916_1974567155938389_2173335348212400128_n.jpg)
0 comments
Write Down Your Responses