महानिरीक्षक खनालको प्रमुख आतिथ्यमा कुकुर तालिम स्कुलको स्वर्ण जयन्ती
![](https://blogger.googleusercontent.com/img/b/R29vZ2xl/AVvXsEgpuGmVMQ-R7-6uL_bvrsYYG02xbnK7wKtNIP9RT5oQS7qajUnJyCO1tvG2UapJJXwRZ2HXAknADYHPtvvT27QqhZENFD5NHzqwOfE9L-LbXOmstcFMkulyZVHY8gljLigGqhO_AtpQNhs/s640/45437250_289857348403019_6204763210411671552_n.jpg)
काठमाडौं । नेपाल प्रहरीमा कुकुर सेवाको सुरुवात भएको स्वर्णजयन्तीको अवसरमा प्रहरी महानिरीक्षक सर्वेन्द्र खनालको प्रमुख आतिथ्यमा केन्द्रीय प्रहरी कुकुर तालिम स्कुल महाराजगंजमा मंगलबार बिशेष कार्यक्रमको आयोजना गरियो ।
समारोहमा प्रहरी महानिरीक्षक खनालले सोही स्कुलको प्राङगणमा निर्मित कुकुर स्मारकको उद्घाटन, कुकुरको प्रतिमा अनावरण तथा माल्यार्पण गर्नुभयो ।
![](https://blogger.googleusercontent.com/img/b/R29vZ2xl/AVvXsEg7WvxpGHuyAzPbAzqswtQdhtObkUlKK1wy0S8Kd9ek02jKkndmcIhMLsGwlz7LEQ9qNvbuN77wA6xJpU_jx3dVY4AKWbrSf_yE9rzd0P__Tq321vE9sKjsBF9mTz5q1QuvFfpqnbYM9l0/s640/45441984_2192134561112357_5663254073034407936_n.jpg)
नेपाल प्रहरीमा अपराध अनुसन्धान, नियन्त्रण तथा रोकथाम, सुरक्षा लगायतका कार्यमा कुकुर सेवाले पुर्या्एको योगदानलाई विश्वभर फैलाउने उद्देश्य स्वरुप नेपाल पुलीस डग स्टीकर प्याकको प्रहरी महानिरीक्षक खनालले आरम्भ समेत गर्नुभयो ।
समारोहमा प्रहरी महानिरीक्षक खनालले यमपञ्चकको दोस्रो दिन कुकुर पूजाको आरम्भ गर्नुको साथै वर्षको उत्कृष्ट डग ह्याण्डलर प्रहरी जवान दिपेश रानाभाट र गार्ड कम्पिटिसनमा उत्कृष्ट डग जङगेलाई मेडल तथा पुरस्कार वितरण गर्नुभयो ।
प्रहरी महानिरीक्षक खनालले समाजमा शान्ति स्थापना, अपराध अनुसन्धान, नियन्त्रण तथा रोकथामको साथै विशिष्ट व्यक्तिहरुको गतिविधिमा कुकुर सेवाले पु¥याएको योगदानको चर्चा गर्नुभयो ।
![](https://blogger.googleusercontent.com/img/b/R29vZ2xl/AVvXsEh2smUOmakHm7UcwkYsQHaToCOlfFNXyUO-INoJRqgYwrh5xMhykyJgWzmFoFiHjpFHEEmTMbCqNhFtKalVm-AZh7wfdc5SKzUUgGkGCtQbB0YaYHARjpH7xdyxSWaMc_qPXtIQv8EVv30/s640/45476139_265086244148948_1751211157609250816_n.jpg)
कुकुर स्कुललाई समयसापेक्ष स्तरोन्नतिका लागि अग्रजहरुले पुर्याएको योगदानको प्रशंसा गर्दै उहाँले स्कुलको विकास सँगसँगै दक्ष जनशक्ति समेत तयार बनाउँदै लगिने बताउनुभयो ।
कुकुरले पुर्यारउने सेवामा पूर्णता प्राप्त गर्न प्रहरीको समेत दक्षता आवश्यक पर्ने बताउँदै प्रहरी महानिरीक्षक खनालले स्कुलमा कार्यरत प्रहरी कर्मचारीहरुले डग ह्याण्डलिङमा विशेष दक्ष हुनुपर्ने बताउनुभयो । स्कुलको पूर्वाधार विकासका साथै स्कुलले पु¥याउने सेवालाई अझ बढी चुस्त र व्यावसायिक बनाउन संगठन सदैव ढृढ संकल्पित रहेको उहाँले बताउनुभयो ।
![](https://blogger.googleusercontent.com/img/b/R29vZ2xl/AVvXsEi9e5srVC00VtG8fLtQNbTfFQClyq6Wq2J47dVva9NMGzm3n83YKBMmZoHagYZfEfh1ozqCXjp5ja0cxpeBOHzRhCCS2Nr5l_krJkHlWEgKS9_Yf2XPzzLe8i4kCErqpB8oAJy8FYAg8DY/s640/45579883_259628344725486_6519849613338345472_n.jpg)
उक्त अवसरमा केन्द्रीय प्रहरी कुकुर तालिम स्कुलका प्रमुख प्रहरी वरिष्ठ उपरीक्षक डा. देउती गुरुङले स्वागत मन्तव्य व्यक्त गर्दै स्कुलको गतिविधि सम्बन्धी प्रतिवेदन समेत प्रस्तुत गर्नुभएको थियो ।
कार्यक्रममा स्कुलमा रहेका डगहरुबाट गार्ड कम्पिटिसन, बाधापार, ट्रयाकर डगको काम तथा लागूऔषध डगको काम सहितको प्रदर्शनी भएको थियो ।
यस वर्षको उत्कृष्ट डगमा ४ नम्बर प्रदेश प्रहरी कार्यालय, कुकुर शाखा पोखरामा सेवारत जर्मन शेफर्ड जातको ‘कुशल’ नामको कुकुर रहेको उक्त अवसरमा जानकारी गराइयो ।
![](https://blogger.googleusercontent.com/img/b/R29vZ2xl/AVvXsEjlQrKxaw4bba0gSr5muzEmv3hoBEEHH3H0rEGTn8CZsE_Dorxna2EjdjvebyKf4Gt1w5shu2xAmyx_CUlear0rLWWUJ8Er9Hkdslgq6DA-_SZoLI8GN1skzUGW8J1t3ioTK0lysd59AQE/s640/45527668_268469927145683_2200857408450854912_n.jpg)
कार्यक्रममा प्रहरी अतिरिक्त महानिरीक्षक, प्रहरी नायव महानिरीक्षकहरु, प्रहरी वरिष्ठ अधिकृतहरु, संचारकर्मी लगायत प्रहरी अधिकृत तथा जवानहरुको समेत उपस्थिति रहेको थियो ।
![](https://blogger.googleusercontent.com/img/b/R29vZ2xl/AVvXsEhEkOE0NY1vrVKN1ZwbcyBFeYyRZDob8y3mQp0ArSp3Za3ZBUHTPBzD46r7sc4mQBIzjASxogw4bPxWTq65i3C94ET2s1WdO5CNp6ZFrHw3ZO9bca3AqA7J7_yhM6X-Ve0QQWNpRtdbANs/s640/45447387_287945955450983_7936474821360091136_n.jpg)
0 comments
Write Down Your Responses