एक हप्तादेखि थाहा–६ का राजेश हराउँदा परिवारमा तनाव
![](https://blogger.googleusercontent.com/img/b/R29vZ2xl/AVvXsEj0Ca6sGyBmmDMDS9qeFRp31rUwJbefGuqtsddby3Qfzs-tHi-bLoht5fg0U5Bj_hMB3w1y3YJTFyMknt-PN8PJdLSOfoiLaybHFOisTXWTzdWZpe86vU0nLiqKqn5QlAR2HXJ-odIXHI0/s640/23559713_129861591054042_3188553801740209327_n.jpg)
काठमाडौं । गत बिहीबारदेखि काठमाडौं सतुङ्गलबाट थाहा नगरपालिका वडा नं ६, टिस्टुङ शिखरखेलका राजेश अधिकारी बेपत्ता भएका छन् ।
एक हप्तादेखि उनी ‘अत्तो न पत्तो’संग बेपत्ता भएकाले परिवारमा मानसिक तनाव बढेको उनकी श्रीमती मनुका अधिकारीले जानकारी दिइन् ।
काठमाडौंमा मजदुरी काम गर्दै श्रीमती र दुई सन्तानका साथ सतुङ्गलमा डेरा लिएर बस्दै आएका उनी गत बिहीबार आफ्नै बहिनीका साथ टिका लगाउनका लागि घर जाने तयारीमा थिए ।
बसको टिकट लिइसकेको भन्दै परिवारसंग विदा लिएर बहिनीका साथ टिस्टुङ जाने सुरुले हिँडेका उनी बहिनीलाई एक्लै पठाएर अन्यत्र लागेका थिए ।
बहिनीलाई ‘जरुरी काम परेकाले म टिकाको दिनसम्म जसरी पनि आइपुग्छु, तिमी जाँदै गर्नु’ भनेर हिँडेका उनी सम्पर्कमा नआएको र उनले सञ्चालन गर्दै आएको ९८०८३४५९०८ नम्बरको मोवाइल समेत त्यसयता अफ गरिएको उनकी श्रीमतीले बताइन् ।
त्यसरी हिँडेका उनी कहाँ गए, के गर्दैछन्, कस्तो अवस्थामा छन् भन्नेबारे आफुलाई कुनै जानकारी नआएको र आफुले चिनेजानेको ठाँउभरी खोजतलास गरीसकेको उनकी श्रीमती मनिकाको भनाई छ ।
त्यसरी हिँडेका उनी घरमा टिका लगाउन पनि नपुगेको र डेरामा समेत कुनै जानकारी नदिएकाले परिवारमा तनाव बढेको बताइएको छ ।
१३ वर्षको छोरी र १० वर्षका छोरा गरी दुई सन्तान समेत रहेका उनी कुनै कमजोरीका कारण सम्पर्कमा आउन अफ्ठ्यारो लागेको भएपनि कुनै अफ्ठ्यारो नमानी सम्पर्कमा आइदिन उनको श्रीमतीले दामनपोष्ट मार्फत अपिल गरेकी छिन् ।
![](https://blogger.googleusercontent.com/img/b/R29vZ2xl/AVvXsEgSDmBw2IIylrfpg-SpoTgurIswYdMkt2Gl0f9YlzTM98rCqKMtX_F4vAtfGpnps-yncGkBvVPc0DgW8lBQ31h4dEQfsYlEESe23sRPRHcY_PZH7I5OFBmQpJSLm6X0sWl5lPqrynfAArM/s640/36776261_196841921022675_3932260778186375168_n.jpg)
0 comments
Write Down Your Responses