मानवनिर्मित ताल इन्द्रसरोवरमा अब प्याराग्लाईडिङ

मकवानपुर । उत्तरी मकवानपुरको पर्यटकीय क्षेत्र इन्द्रसरोवर गाउँपालिकाको मानब निर्मित इन्द्रसरोबर माथी प्याराग्लाईडिङको सफल परिक्षण सम्पन्न भएको छ ।

गाउँपालिकाले आफ्नो क्षेत्रमा आन्तरिक तथा बाह्य पर्यटक भित्र्याउने उद्देश्यले आइतबार साराङकोटबाट आएका पाइलटको सहायताबाट सफल परिक्षण गरेको हो ।

सो सफल परिक्षणले सारा इन्द्रसरोबरवाशी अत्यन्तै खुसी भएको बताइएको छ । मानवनिर्मित उक्त ताल माथी प्याराग्लाईडिङको पहिलो पटक प्याराग्लाइडिङको परिक्षण सफल भएको हो ।

पर्यटकिय क्षेत्र इन्द्रसरोबर भएपनि त्यती धेरै पर्यटक नआएपछी प्याराग्लाईडिङको परिक्षण गरेर ब्याबसायीक रुपमा पछी काम गरीने गाउँपालिकाका अध्यक्ष जीवन लामाले बताए । कुलेखानीको इन्द्रसरोबरमा तीन स्थानबाट प्याराग्लाईडिङ गर्न मिल्ने भएपनि अहिले भने एक स्थानबाट मात्र परिक्षण गरिएको उनले जाकारी दिए ।

निजी क्षेत्रसंगको सहकार्यमा नागरिक उड्ययन मन्त्रालयबाट स्वीकृति लिएर काम गर्ने तयारी गाउँपालिकाले गरेको छ ।

गाउँपालिकाको पहलमा प्याराग्लाईडिङको परिक्षण गरिएको हो । इन्द्रसरोबरमा प्याराग्लाईडिङ चल्ने हो भने पोखरा लगायतका क्षेत्रमा जाने पर्यटकहरु मकवानपुरको इन्द्रसरोबरमा जाने निस्चित छ ।