साधारण शिक्षामा अब्बल नभए प्राविधिक शिक्षामा गुणस्तरीयता आँउदैनः डा. लामिछाने
![](https://blogger.googleusercontent.com/img/b/R29vZ2xl/AVvXsEgXuwHecgya7LtuRusF5oEnaPL2jqEyp1I-S7xwS186h-kNURjRRb5zWk_L4Jr5qQdMMdpZvLo71vTPOxAVa8UnANxbTRLlrFJ3_-l8HdOaifFE-oVGwMBqLcAjk6g3pYSjfg5dMiucFpo/s640/79864121_10215123411028792_501233236177846272_o.jpg)
मकवानपुर(चित्लाङ) । कोलम्बो प्लान अफ स्टाफ कलेज, फिलिपिन्सका महानिर्देशक डा. रामहरि लामिछानेले साधारण शिक्षामा अब्बल नभए प्राविधिक शिक्षामा गुणस्तरीयता नआउने बताएका छन् ।
व्यवसायिक शिक्षा तथा तालिम परिषद सिटिइभिटीका पूर्व सदस्य सचिब समेत रहेका उनले हरेक शिक्षालाई सीपसँग, सीपलाई रोजगारसँग र रोजगारलाई अर्थतन्त्रसँग समन्वय गर्नु पर्नेमा जोड दिए ।
मकवानपुरको चित्लाङमा रहेको थाहा पोलिटेक्निक इन्ष्टिच्युटले चित्लाङमा आयोजना गरेको कार्यक्रममा उनले यस्तो बताएका हुन् । कार्यक्रममा प्रमुख आतिथि रहेका थाहा नगरपालिकाका प्रमुख लवशेर विष्टले सानै कक्षादेखि गुणस्तरीय शिक्षामा ध्यान दिन सकेमा माथिल्लो तहमा परिणाम राम्रो आउने बताए ।
शिक्षा प्रमाणपत्रका लागि नभई समृद्धि र विकासका लागि हुनु पर्ने उनको भनाइ रहेको थियो । व्यवसायिक शिक्षा तथा तालिम परिषद सिटिइभिटीअन्तर्गत संचालित थाहा पोलिटेक्निक इन्स्टिच्युटको हालको अवस्था र भावी कार्यक्रमबारे छलफल गर्न कार्यक्रमको आयोजना गरिएको थियो ।
इन्स्टिच्युटका प्रिन्सिपल प्रदिपराज बर्तौलाको अध्यक्षतामा भएको कार्यक्रममा जनप्रतिनिधि, सिटिइभिटीका पूर्व सदस्य सचिब रमेश बखती, निर्देशकहरु प्रमोदभक्त आचार्य, यामप्रसाद भुर्तेल, ईश्वरीदत्त भट्ट, सिटिइभिटी प्रदेश ३ निर्देशक कृष्णबहादुर केसी, अभिभावक संघ नेपालका सुप्रात भण्डारी लगायतको उपस्थिति रहेको थियो ।
कार्यक्रममा वक्ताहरुले पोलिटेक्निकको शिक्षालाई व्यवहारिक र प्रयोगात्मक बनाउन सुझाव दिएका थिए ।
३ वर्षदेखि संचालनमा रहेको पोलिटेक्निकमा हाल वन विज्ञानतर्फ डिप्लोमा तहको पठनपाठन हुँदै आएको छ ।
![](https://blogger.googleusercontent.com/img/b/R29vZ2xl/AVvXsEhnLuoDNr02xp5WaJqGr5BANLxgxkNxh5Wd1egD5Wjfc5kJj4oePh4DwY-NmSMS2Q-GcwVwJO8r6owYacbvgcbuM8Y0_5kmyZJzKCGXGVlB8qk_RQQ4-kqN975NXZ8193HidzuLDqjny0g/s640/79961781_10218653336357302_322305487037005824_o.jpg)
![](https://blogger.googleusercontent.com/img/b/R29vZ2xl/AVvXsEjGAc4whhaZSZHuLLaDXTwgMDsMHWhyhvxpCsGaizzcSSBzKLVe5_6kuTHYYsavCI-B_1s-y97YsEr3ALBwQgq8Mzt-MXYZAncdO7df37vcrKM7BrqxDe7Ia1lOg4LRYTHGNOJuOrH0Fks/s640/thaha++dr+lamichhane.jpg)
0 comments
Write Down Your Responses