थाहाका अवैध घरेलु मदिरा नष्ट
![](https://blogger.googleusercontent.com/img/b/R29vZ2xl/AVvXsEitjcf9m2fqOXab2mT6ttMJiQ1kBp1UJiqnMz4_RDm4b-2AxTk06t6I-kz51hEdMT_ZfSrmbpLpGIB8FAsJjTV4pvwUN1cqoDamfqKLEZd_zG3IPuYhpeDBOaiL-X0JN9KfrMQ-KbZ-JXo/s640/bikas.jpg)
पालुङ । उत्तरी मकवानपुर स्थित थाहा नगरपालिका भित्रका अबैध घरेलु मदिराहरु नष्ट गरिएको छ । इलाका प्रहरी कार्यालय पालुङको पहलमा ति अवैध मदिराहरु बरामद गरी नष्ट गरिएको हो ।
लामो समयदेखि त्यस क्षेत्रका केही स्थानमा मदिराका कारण घरभित्रै तथा टोलमा समेत दिनहुँ जसो झगडा र कुटपिट हुन थालेको गुनासो आएपछि अवैध मदिरा बरामद गरिएको इलाका प्रहरी कार्यालय पालुङका इन्चार्ज प्रहरी निरीक्षक विकासकुमार तामाङले बताए ।
सो इलाका कार्यालयले विशेष सुचनाको आधारमा बिभिन्न मिति तथा समयमा थाहा नगरपालिकाको बिभिन्न वडा यरियाहरुमा रहेका बिभिन्न होटलहरुबाट छापा मारी ति सामान बरामद गरिएको बताइएको छ । \
अबैध रुपमा उत्पादन गरी बिक्रि वितरण गर्ने प्रयोजनका लागि लुकाई छिपाई राखिएको प्लाष्टिकको ५४ वटा साना तथा ठुला ड्रममा राखिएको घरेलु मदिरा २१५ लिटर र घरेलु मदिरा तयार पार्न राखिएको कच्चा पदार्थ २ हजार लिटर प्रहरी टोलीले बरामद गरेको कार्यालयले जनाएको छ ।
उक्त मदिरा तथा कच्चा पदार्थहरुलाई वैशाखा ७ गते थाहा नगरपालिका समेतको सहकार्यमा नष्ट पारिएको हो ।
स्थानिय भद्र भलाद्मी, जन(प्रतिनिधि तथा संचारकर्मीहरु समेतको रोहबरमा वातावरणलाई मध्येनजरमा राखी खाडलमा पुरी नष्ट गरिएको इन्चार्ज तामाङले बताए ।
त्यसो त उनले सो क्षेत्रमा यसअघि नै जुवातास लगायतमा पनि कडाई गर्दै आएका छन् । उनले सामाजिक सुरक्षाका लागि पहल लिएकामा नगरवासी दंग भएको बताइन्छ ।
![](https://blogger.googleusercontent.com/img/b/R29vZ2xl/AVvXsEj3q2Dv607ML6EZ5artjrTAHjrJ16zLX5MtFer2RF6i_fWlldD3f4Pc5gJS1Zfi6OPkNXA50PccDoer2s5ngjoNTgH5Dlf2xR1AGc6uTtVXIBpgmBfh1FcSWOsnKdZi31FltV0lYds4ifk/s640/100083143_249263693091435_9078473189046091776_o.jpg)
![](https://blogger.googleusercontent.com/img/b/R29vZ2xl/AVvXsEgjXzFobzWOvs77tPsOE7UGbuq37mDBTGXKAKLzoZh4oyjJN8utxq36RXosQFU3xksiCyoQQgUSzjonHZKLj48ofjsBlHb1N2IxTKzXTTYx2A7oKsWuQo8AO6thAk2dAUZTz6n35iKCqHo/s640/98607439_249264409758030_8934816518793854976_o.jpg)
0 comments
Write Down Your Responses