‘सर्वाङ्गीण विकासको एउटा पक्ष ः खेलकुद’ भन्ने मूलआशयलाई आत्मसात गर्दै यस हिसान तारकेश्वर नगरपालिका स्तरमा स्थापित नेपालकै पहिलो नगर कमिटी हो । 

यसले आफ्नो स्थापनाकालदेखि नै सक्रिय ढङ्गले विभिन्न क्रियाकलापमा आफ्ना विद्यार्थीहरूलाई सहभागी गराउँदै आइरहेको छ । शिक्षा र खेलकुदलाई मानवीय जीवनका अमूल्य पक्ष अर्थात् जीवनमा ऊर्जा प्रवाहकको रूपमा एकसाथ अगाडि बढाउँदै आइरहेको उच्च शिक्षालय तथा माध्यमिक विद्यालय सङ्घ, नेपालको काठमाडौँ जिल्ला अन्तर्गगत तारकेश्वर नगरपालिकामा तारकेश्वर हिसानले आफ्नो इज्जतदार र गौरवशाली पहिचान बनाउन सफल भएको छ । 

यस संस्थाले हरेक शैक्षिक वर्षको अगावै आफ्नो वार्षिक कार्यतालिका निर्माण गरी विभिन्न प्रकारका गतिविधिहरू सञ्चालन गर्दै आइरहेको छ र हरसमय आफ्ना शिक्षालयहरुमा अध्ययन गर्ने शिक्षार्थीहरुको सर्वाङ्गीण विकासमा टेवा पु¥याउनका खातिर यस संस्थाले स्थानीयदेखि राष्ट्रिय स्तरसम्मका प्रतियोगितात्मक कार्यक्रम गर्ने, राष्ट्रको धर्म, संस्कृति, रीतिरिवाज र चालचलन  लगायतका पक्षहरूको संरक्षण र श्रीवृद्धिका लागि आवश्यक कार्य गर्नेजस्ता कार्यक्रमहरूसमेत आयोजना गर्दै आइरहेको कुरा जानकारी गराउँदछाँै । 

शिक्षालयहरुमा एकोहोरो पढाइ मात्रले शिक्षार्थीहरुको सर्वाङ्गीण विकास नगराउने र आफ्नो धर्म, संस्कृति, रीतिरिवाजलाई सम्मान गर्दै भविष्यमा देशलाई आवश्यक पर्ने, समाजलाई माया गर्ने, सकारात्मक दिशामा नेतृत्व गर्न सक्ने व्यक्तित्व तयार हुन सक्दैन भन्ने हिसान तारकेश्वरको ठम्याइ रहेको छ ।  

यसर्थ यस संस्थाले गुणस्तरीय शिक्षा प्रदानका खातिर वक्तृत्वकला प्रतियोगिता, कविता लेखन तथा वाचन प्रतियोगिता, विषयगत कार्यशाला, गायन प्रतियोगिता, हाजिरी जवाफ प्रतियोगिता जस्ता विविध कार्यक्रम सञ्चालन गरी शैक्षिक गतिविधिलाई हर समयमा प्रभावकारी रुपमा निरन्तरता दिइरहेको छ । 

यसरी गरिने विविध कार्यक्रम अन्तर्गत यही मिति २०८२ मङसीर ५ गतेदेखि ६ गतेसम्म सेक्रेड हार्ट माध्यमिक विद्यालयको संयोजनमा, सेक्रेड हार्ट माध्यमिक विद्यालयकै फुटसल मैदानमा सञ्चालन हुनगइरहेको हिसान तारकेश्वर व्याइज एण्ड गर्लस टुर्नामेन्ट २०८२  पनि यसकै निरन्तरताको रूपमा बुझिदिनुहुन हामी आदरणीय पत्रकारहरू मार्फत् सबै महानुभावहरुमा अनुरोध गर्दछौँ । उक्त टुर्नामेन्ट ५ गते बिहान ९ः०० बजे उद्घाटन भई ६ गते २ः०० बजे समापन हुने कार्यक्रम तय भएको समेत यहाँहरुलाई जानकारी गराउन चाहन्छौँ । 

हिसान तारकेश्वरको आयोजना र सेक्रेड हार्ट माध्यमिक विद्यालयको संयोजनमा हुने यस टुर्नामेन्टको सभापतित्व तारकेश्वर हिसानका अध्यक्ष श्री लिलबहादुर पुनले गर्नुहुनेछ भने कार्यक्रमको सम्पूर्ण रुपरेखा तारकेश्वर हिसानका अतिरिक्त क्रियाकलाप प्रमुख श्री राजेश रायमाझी तथा संयोजक विद्यालय सेक्रेड हार्ट माध्यमिक विद्यालयका प्रिन्सिपल बद्रीनाथ भट्टले तयार गर्नुहुनेछ ।   

तारकेश्वर नगरपालिका भित्र कक्षा ११ र १२ सञ्चालित हिसान आवद्ध विद्यालयहरुका बिच स्वस्थ प्रतिस्पर्धात्मक रुपमा रहने र छात्र तर्पm ८ ओटा र छात्रा तर्पm ७ ओटा टिम सहभागी हुनेगरी व्यवस्थित रूपले सञ्चालन गरिने कुरा पत्रकारमार्फत सबैमा जानकारी गराउन चाहन्छौँ । 

टुर्नामेन्टमा रेफ्रीको भूमिकामा एन्फाका रेफ्री ज्ञानेन्द्र आलेको समूह रहनेछ । कार्यक्रमको समुद्घाटन केन्द्रीय हिसानका सह कोषाध्यक्ष श्री नरेन्द्रबहादुर अधिकारीद्वारा २०८२ मङ्सीर ५ गते बिहान ९ बजे सेक्रेड हार्ट माध्यमिक विद्यालयको फुटसल मैदानमा हुनेछ भने पुरस्कार वितरण कार्यक्रम जिल्ला शिक्षा समन्वय इकाइका प्रमुख श्री समन्तमणि आचार्यद्वारा २०८२ मङ्सीर ६ गते दिउँसो २ः०० बजे हुनेछ ।   ज्क्ष्क्क्ब्ल् का हरेक प्रकारका खेलकुदहरू अन्तर्राष्ट्रिय अभ्यास र नीतिनियमभित्र रहेर सञ्चालन गरिने गरेको र यो टुर्नामेन्ट पनि सोही बमोजिम हुने र खेलकुद सम्बन्धी नियम तथा जानकारीसमेत प्रतिस्पर्धामा सहभागीहुने सदस्य विद्यालयहरूलाई उपलब्ध गराइएको कुरासमेत जानकारीका लागि अनुरोध गर्दछौँ ।

‘सर्वाङ्गीण विकासको एउटा पक्ष ः खेलकुद’ भन्ने आदर्श वाक्यलाई सम्मान गर्दै यो त्यगचलबmभलत मुख्यतः आफ्ना प्रतिस्पर्धी विद्यार्थी र तीनका माध्यमबाट सदस्य विद्यालयमा अध्ययन गर्ने सम्पूर्ण विद्यार्थीहरूलाई अनुशासित, सहयोगी तथा सर्वगुणी बनाउन सफल हुनेछ भन्नेमा हामी पूर्ण आशावादी रहेका छाँै । 

यस टुर्नामेन्टमा हामीले विजयी टिमहरूलाई मेडल र ट्रफीका साथै प्रमाणपत्र वितरण गर्नेछौँ ।  साथ बेस्ट स्कोरर, बेस्ट प्लेयर, बेस्ट किपरलाई समेत हौसलाको रुपमा मेडल प्रदान गर्ने व्यवस्था गरेका छौँ र सम्पूर्ण फुटबल टुर्नामेन्टको अनुमानित खर्च रु १,००,०००।– रहने अनुमान गरेका छौँ ।

अन्तमा यस टुर्नामेन्टलाई प्रभावकारी ढङ्गले सञ्चालन गर्न यससँग सरोकार राख्ने खेलाडी, प्रशिक्षक, रेफ्रिकाअलावा अभिभावकज्यूहरुसँग विशेष सहयोगको अपेक्षा राखेकमा छौँ । सुरक्षा व्यवस्थापनका लागि नेपाल प्रहरीको सहयोग र निगरानीको लागि विशेष आग्रह गर्दछौँ । साथै यहाँ उपस्थित तपार्इँ पत्रकारज्यूहरूको सहयोग र समाचार सम्प्रेषणबिना यो आयोजना अर्थहीन हुने हुँदा यहाँहरूले मिडीयामा राम्रो स्थान दिएर सहयोग पु¥याइदिनु हुनेछ भन्ने आशा राख्दै उपस्थितिको लागि विशेष धन्यवाद दिन चाहन्छौँ ।

(पत्रकार सम्मेलनमा वितरित विज्ञप्तीमा आधारित)